|
رد: ثرْثَرَة { صَامِتَـہْ .. !
اشتقت لهـ القسم
أشغلتنا الدراسة عن مدونتي وعن مدونات عزيزه علي 
ع العموم ما قول إلا الله يوفقنا وييسر لنا اختباراتنا ..
ياآآآرب
اليوم عندي لكم سؤال ..
أتوقع بـ يساعدني وراح يساعد غيري ..
اخوي الصغير عمره 7 سنوات وتعرفون بـ ذا السن تكثر أسألتهم عن كل شيء ..
واكثر ما يسأل عنه الأمور المتعلقه في الله و الجنه والنار ..
أتوقع بسبب دراسته للفقه والتوحيد في مدرسته ..
ودوم أحاول أجاوب ع كل أسئلته ..
لكن قبل شوي سألني سؤال ما عرفت ارد عليه بـ كل صراحه ..
شلون اشرح لـ طفل بـ عمرهـ الإجابة الصح والمقنعة لـ سؤاله ..
وكان السؤال ..
قال : من صنع الله ؟
قلت له : ما احد صنعه ..
مو انت أخذت في القران سورة الإخلاص
(قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا )
قال : طيب ..
كيف يصير ؟!
ما في شيء يخلق من نفسه ؟!
أنا هنا الجمني ما عرفت ارد رد يناسب سنه ..
والحمدلله إن ابوي دخل غرفتي واشغله بـ شيء اشتراه له ..
فـ سؤالي لكم ..
إذا سألني مرهـ ثانيه عن نفس السؤال كيف ممكن أجاوبه جواب مقنع ..
ويناسب سنه حتى يفهمه ..
أتمني احصل رد بـ أي طريقة تناسبكم سوا رسائل خاصه أو رسائل الزوار أو التقييم ..
لأن متأكده انه راح يرجع يسألني ثاني ..
ومشكورين مقدماً ..
|