اللـي بقـى لـي مـع الأيـام .. وفّيتـه
والضيـق لـو ينهمـر تشربْـه وديانـي
ماهـي كبيـره علـي والحـزن غنيتـه
وْلاهـي غريبـه إذا وقـتـي تحـدانـي
الخوف - يا من نبشت القلـب وادميتـه
لاعشت زهرة شبابك وانـت وحدانـي !!
كم جرح خذْته مـن الأحبـاب .. ضمّيتـه
وجـروح قلبـي زكـاة لْحُـبّّ خِـلاّنـي
مطعون ؟ عاااادي ،، جفا الأقراب ؟ داويته
تعبان ؟ مبطي ،، ردى هالحظ ؟ خاوانـي
صدمه؟ بسيطه ،، هَوان الحـال؟ مرّيتـه
مقرود ؟ أدري ،، وإذا حرمان ؟ عدّانـي
مـا فـاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي !
يامـا ويامـا مـن الخـذلان .. عديتـه
إلا بصاحبْ .. بعـد عِشـره تناسانـي !!
أزريـت لأنسـى غيابـه ليـن ناديـتـه
والمـوت لامـن تجاهلـنـي وجافـانـي
وينـه يجينـي .. وكـل عْتـاب كنّيتـه
ياليت يدري بعـد فرقـاه وش جانـي !!
من كنت طفل ٍ وانـا أرجـاه فـي بيتـه
شيّبت .. واثره علـى هالحـال خلانـي !
حتـى جنـاح العَتَـب لرضـاه ذليـتـه
ماطِـرْت بعـده فـرح مـن ذلّ جنحانـي
يا قلب صبرك .. ترى كل شـيّ سويتـه
ما كان أفضل مـن اللـي كـان بإمكانـي
لو بـيّ قـوه علـى الهجـران ؟ خليتـه
لـو بـيّ ذره مـن النكـران ؟ يفدااانـي
الجرح أرحم .. إذا يرجـع مـن أغليتـه
مجروح ؟ فِدوه .. ولكن صعب وحدانـي