تذكّرت الحصير، وغدفة امّي، والثياب سمال
قميص المدرسه، برد ومطر، وايدين مرتجفه

ولد يتشعبط الجدران حافي , ما عليه نْعَال
عشان , " بنيـّةٍ " ، عفريتـةٍ ، مغرورةٍ ، ترفه ..

كُبَرْ وهْي كبَرَتْ واللي مضى سمّوه لعب عيال
نساها ونْـسِتَهْ ما فيهم اللي " بَـّر " في حِلْفَه

كتَب شيٍّ ، وظن انّه طريف، وقال اقول، وقال
تعَجّب: كيف هلّت دمعة اصحابه من الطّرْفَه

عَرَف درب القصيد، وجَمّعْ الدنيا ف حَبـّة خال
وقال ان القمر : تلميذةٍ، وان السما : شُرْفَه