اتمنى من كل قلبي يكون في ميترو من الدمام للجبيل لان عدد البنات الي بكلية التربيه بالجبيل وهم من خارج الجبيل أكثر بكثير من بنات الجبيل أنفسهم
وهذا شي مشاهد و ملاحظ
يعني بنات الدمام يطلعون من البيت 6 الصبح وبعضهم 5 ونص عشان محاضره الساعه 8 واحيان هالمحاضره الساعه 10 أو الساعه 12 الظهر !! ( هالشي ما أبالغ فيه وربي صار لي وصار لكثير بنات لمن كنا بسنه أولى ماكنا نقدر نسوي جدول يعطونا الشؤون جدول جاهز مجهز ونمشي عليه سمستر كامل) ونطلع من بدري من الفجر عشان محاضره المسا !
لو في ميترو أو طريقة نقل مثل باصات من الحكومه تطلع على وقتين بتنحل أزمه كبيره أزمة الوقت وفيها توفير فلوس
انا حكيت عن الطلعه طيب والرجعه
بنات الدمام بعضهم يطلعون الساعه 12 من الجامعه يوصلون البيت 2 أو 3
واذا طلعوا 2 يوصلون 5 !! انا ما أبالغ انا اطلع من الجامعه 2 واوصل بيتنا 5 والله على ما أقول شهيد
بلإضافه أنه عند وجود ميترو وتعاون معنا في المواصلات راح يقل استغلال العماله لنا وتتغير نفسياتنا ويتوفر لنا وقت للمذاكره ولنفسك عليك حقا
الوحده مننا تداوم ولمن ترجع البيت بعد 12 أو 13 طلعه من طلعتها من البيت
في هالحاله خلاص مافيها تسوي شي وتكون منهكه وتضطر تلغي حياتها الإجتماعيه والتسليه و الترفيه
انا ماني ضد الجد و الدراسه لكن لازم يكون في توازن ترفيه و دراسه بلإضافه إلى ان الميترو او القطار بيكون وسيله آمنه
طيب اذا تعذر الميترو ليه مايكون فيه سكن على الأقل ؟ سكن حكومي
ويصير اختياري للطالبه لو بيوم هي مضغوطه وعندها شغل واختبارات ومحاضرتها لين 3 ماترجع للدمام تنام ذاك اليوم بلسكن وين المشكله
الحسا فيها سكن
و الرياض فيها سكن
وكثيير جامعات في السعوديه واحنا ليه مايكون عندنا؟
اذا اسصعب تنفيذ الحلين الي فوق لسبب من الأسباب طيب ليه مايكون فيه بدل سكن ؟!
فكوا أزمتنا الله يفرج عليكم دنيا و آخره