المشاركة الأصلية كتبت بواسطة مهند العتيبي انا اتكلم من رايي الشخصي وقلت في بدايه ردي بعيداً عن القبليه والعادات والتقاليد . كريمه فلان الفلاني تكفي عن الاسم فاعتقد ماله داعي اكتب العائله كلهم بكرت الدعوه اكرر بعض العادات والتقاليد سليمه وليست كلها عادات ذميمه او متخلفه مثل مايتصور البعض .

العاده يا مهند اتفق معك بـ ردودك ..

بس اليوم به اختلاف جذري بينا ..

العادات ياخوي اللي تحسس البنت إنها لو كانت اخو ماهو أخت كان تم التعامل معها بـ شكل غير لازم تختفي ..

شيء يسبب حزازيات مثل ذي بين الأخوان ما اظن ربي يرضى بها ..

وأنا ما اتكلم هنا عن عدم الحضور ..

لا اتكلم عن الدعوات واسم الأخت وغيره ..

كلها أمور تحسسنا نحن البنات بنظره دنيويه لنا ..

ممكن انتم تظنون انها أمور عاديه عند البنات ..

وما تسبب لهم جرح ..

لكن صدقني ماهي عادي وإنها تأثر حيل فينا ..

مازلت أتعجب يوم اشوف رجال للآن يخجل يقول اسم امه واخته ..

كأن الرسول عليه افضل الصلاه والسلام والصحابه ما اعرفوا بـ أسماء امهاتهم وزوجاتهم ..

وفي بعضهم كان يلقب بـ اسم امه ..

وارجع اقول رأيك واحترمه ..

بس اليوم اختلف معك تماماً ..