|
بدأ العد التنازلي.. استعدو ..الله معنا لاتخافون
السلام عليكم ورحمة الله وبركاته
جمعة مباركة على الجميع يارب..
كما هو معروف لدي مااحب المقدمات احب ادخل على طول بالموضوع
امممم اكيد الكل يعرف كم باقي على الاختبارت .. بس 20 يوم
ترى لحد يخاف بهالعشرين تقدرون تنجزون واجد فيها
يعني ممكن نخلص نص المنهج بايام المذاكرة العشرين والنص الثاني نخلصه يوم الامتحان
وعلى فكرة اللي فيه حيل يمسك مادة كاملة بيوم كامل ترى ب8 ايام بس بيخلص كل المواد
ومو ضروري كلها الاغلب
حبيت اذكركم عشان نشد حيلنا ومغريات الدنيا كلها قدامنا بس اصبرو هالشهر وبعدها نبي نفلها لأجل غير مسمى
اول شي تأكدو ان الملازم جاهزة كلها والملخصات وكل كل شي
تاكدو من المشاركات والمناقشات والواجبات ..ممكن ان كل مادة نذاكرها نمسك مناقشاتها وواجباتها ونحل ونحمل وكل شي ..مجرد فكرة
بالنسبة لي اللي اليوم رح اسويه هو التالي : واللي يبي يسوي معي حياه الله .
- تجهيز كل الملازم واخلص كل شي طباعة وحل وتحميل وماشابه
- فصل خدمة البلاك بيري والواتس اب وماشابه ..اصلا بقى لها اسبوع وتنتهي جت من الله
- بقلل قد قد قد مااقدر من الانترنت الا للضرورة محاضرة او الملتقى
- احط راسي بالكتاب وقد مااقدر رح انجز وصدقوني اللي يحط براسه انه قادر يختم المادة بيختمها
ولاتحملون انفسكم فوق طاقتها اهم شي ..لكن انا هالعشرين يوم رح اضغط على نفسي عشان ارتاح بالاخر
بالتوفيق لكم جميعا يارب
والله يسهل عليكم المذاكرة يارب ..رح اشتاق لكم بالحيل 
اللقاء ليلة اختبار النحو ان شاء الله
|