قابلت عميد التعلم عن بعد د.النجار >> من قدك
وطرحت عليه مشكلتين
أولا توفر الكتب بشكل عام
قلت له : دائما الدكاترة يقولون أنه متوفر في مكتبتي جرير والعبيكان
وجرير تحصل 4 نسخ على السستم واذا رحت مافيه شي
أما العبيكان ما عندهم شي خير شر
وبيتنت له أني دافوره >> وانا من جنبها قلت أنا أحب أقتني الكتب على الملازم لانها تفيدني
قال : لا بالعكس الكتب تفيدش وتزيد من معلوماتش أفضل من الملازم
بس الكتب تحصلونها في المكتبات جرير والعبيكان الاحساء فيها
قلت : والله أنا في الرياض وأسال كل الفروع ولا أحصلها
قال : مثل أي كتاب؟
قلت : مثل كتاب أساسيات الاداراة المالية تعبت جدا وانا ابحث عنه واخذت وقت طويل
قال : ايه حق الدكتور خالد السهلاوي
قلت : ايه
قال : انتي اطلبيها من الاحساء لان اغلب المؤلفين عندنا في الاحساء
زي الدكتور خالد موجود عندنا في الاحساء
قلت : يادكتور ياليت يكون فيه مخاطبة رسمية منكم لادارة المكتبتين
بتوفير المناهج لاننا كم مرة نطلب ونكلمهم ويقولون لازم طلب رسمي من العمادة بالجامعة
ثاني شي
قلت له : عن بعض المحاضرات ماتكون موجودة فعلا بس مجرد رابط
ولما اجي افتح المحاضرة أو احملها يطلع لي Error
قال : بلغوا المسؤولين في منتديات النقاش وانه يحصل الغلط أو أنه ما يتأكد من نزول المحاضرة فعلا
لأن فيه عندنا أكثر من ..... >> قال عدد كبير نسيته >> منهج ومقرر وكل مقرر له أكثر من صيغة
انتم بلغوهم وهم ان شاء الله راح يتلافون الاخطاء
قلت : طيب دكتور ممكن نتصل على الرقم المجاني ونبلغهم
قال : ايه أو اتصلو على الرقم المجاني من 7:30 - 3:30 فيه 8 موظفين يردون عليكم
آخر شي قلت : أنا آخذ عندك مقرر إحصاء>>> ياشين التميلح .gif "(284)")
قال: بالتوفيق
قلت: شكرا دكتور
انا ورى كل كلمة اقول لله يادكتور مادري ليش
أحلى شي كان قبلي رجال >>شكله طالب يكلمه وكان العميد جالس ولما جيت أكلمه وقف لي 
تعامله جدا راقي ومتواضع الله يوفقه ويسهل علينا
وسلامتكم