طالبتكم طلبة . . . لا تردوني . . .
السلام عليكم ورحمة الله وبركاته . . .
في البداية أحب أبارك حق أخواتي وأخواني بمناسبة حلول شهر رمضان المبارك أعاده الله علينا بالخير
واليمن والبركات . . . اللهم آمين :praying:
أدخل في صلب الموضوع << أنا رحت اليوم الجامعة وكان عندي محاضرتين الأولى اللغة الإنجليزية
من 9.30 حتى 10.30 ورحت أدور على القاعة بس ما عرفتها وأنتهى وقت المحاضرة وقلت خلاص بأدور مكان المحاضرة الثانية فيزياء عامة من 10.30 حتى 12.30 وقعدت أدور على هالقاعة بس ما لقيتها وسألت بنات ودلوني عليها ولما رحت ما شفت أحد المهم يمكن قعدت ساعة أدور بدون فايدة
والمشكلة أني ما أعرف أحد من اللي بأدرس معهم >> فأتمنى من كل طالبة مستجدة في كلية العلوم الزراعية نموذج الجدول { ب - 4 - 2 } أنها تساعدني وتقولي مكان المحاضرات ورقم المبنى وبكون شاكرة لها .
وعندي أستفسار بخصوص وقت المحاضرات مثلاً عندي في الجدول مقدمة علم الأقتصاد عملي مكتوب عندي من الساعة 1.00 حتى الساعة4.40 وفي الجدول اللي بموقع الجامعة مكتوب من الساعة 1.00 حتى الساعة 2.40 فأي وقت آخذ وأقيس عليه في رمضان عشان السواق يعرف متى يجي
ياخذني . . . والله يخليكم لا تطنشوني لأني تعبت مع هالجدول وطول هالأسبوع في حوسه 
التعديل الأخير تم بواسطة شمس الضحى ; 2007- 9- 12 الساعة 07:32 PM
|