السلام عليكم ورحمة الله وبركاته
كلمت قبل شوي الأستاذ الجوهر وشرحت له وضعي ووضع بعض الطلبه قلت إنا ماسددنا وقفلتوا البلاك بورد علينا قال فترة السداد انتهت قلت طيب في الأترام الماضيه فيه ناس أختبرت وماسددت بس مانزلتوا لهم النتائج إلا لما سددوا قال هذاك أول كنا متساهلين قلت طيب وش الحل قال أنت في أي منطقه قلت بالرياض قال رح لبنك البلاد وودع بحساب الجامعه وأرسل لنا الوصل قلت له أحد الطلاب من زملائنا راح بيسدد من البلاد قالوا مالك حساب ( قريت رد أحد الطلاب في موضوع سابق ) قالي لا مو عن طريق الصراف تجي البنك وتعبي نموذج تحويل لحسابنا وتصوره وترسله لنا وإن شاء الله يفتح معك البلاك بورد.
المطلوب رقم حساب الجامعه وعنوانها لأني ناسيه
والله يسهل لي ولكم