بسم الله الرحمن الرحيم
اولا لاتتهمي نفسك بالغباء انت انسانة ذكية ومجتهدة لانك بتسعي دايما قولي انا فاهمة انا ذكية انا شاطرة دايما حتي لو تعثرتي كلامي هذا علميا صح لان عقلك بيستوعب كلامك ويوهمك انك مش بتفهمي وتتعبي وهذا خطا وكلنا علي فكرة بنعاني بس بنحاول
ثانيا انا مصرية فمعرفش موضوع تخصص دعوة اتمني حد غيري يفيدك بس الي انا اعرفه بد ما نتخرج من ضمن الوظائف نعمل في مجال الدعوة
ثالثا وده الاهم موادك الي حد ما كويسة انا هقولك علي المواد الي لازم لازم تسمعيها ضروري تحرير عربي وتركزي مع الدكتور لانها مهمة جدا وتكتبي وراه
انجليزي عام والمحاضرة لا تتعدي النصف ساعة
النحو التطبيقي ضروري تسمعيه وده المحاضرة نص ساعة
مهارات التفكير لدكتور عبد الحميد بتكون المحاضرة 50 دقيقة بس اول ربع ساعة كلام خارج المنهج زي مثلا نصايح عديها وابدي معاه من الشرح وياريت لو لقيتي ملزمة مكتوب فيها كل الي يقوله الدكتور مش لازم ساعتها تسمعيها مش المحاضرات لا كان في في المنتدي ملزمة مكتوب فيها المحاضرات وكل الي يقوله الدكتور
صحة ولياقة ابداي ذاكري من الملزمة الي نزلها الدكتور الايام دي لانها طويلة
تقنية ذاكري من الملزمة وعلي ما اعتقد ان المحاضرة 14 الدكتور لاغاها ياريت تتاكدي من ذلك وبتلاقي اسئلة كان منزلها الساحر وغيره من الاخوة اسئلة الامتحان لم تخرج منها والله العظيم
عقيدة اسلامية ذاكريها من الملزمة الايام دي
مبادئ ادارة الدكتور الله يسامحة كامصعبها علينا شوية بس مش لازم تسمعيها ذاكريها من الملزمة
ياريت ياريت ياريت كل مادة لازم تحفظي اسئلة الواجب لانها اكيد جاية في الامتحان واسئلة الطلبة الب بينزلوها في المنتدي في منتهي الضرورة
الواجبات والمناقشات كلنا بننسخ ونلصق علشان الوقت لكن بعد ما خلص المذاكرة احلها من جديد
نصحيتي ليك ياريت تخلصي النحو في يومين لان كل محاضرة 30 دقيقة يعني هتخلصي 7 محاضرات في 3 ساعات ونص قولي 4 ومعاها تحرير عربي تخلصيهن علي نهاية الاسبوع تبداي في مهارات واانجليزي
اتفقنا
اسهري واشربي قهوة او نسكافيه وشدي حيلك كلنا سهرانين معاك بنذاكر وبنكون فاتحين المنتدي علشان لو حاجة احتاجناها ربنا يوفقك يارب ووالله كل شئ سهل ويسير وادعي ربنا دايما ينور طريقك وربنا يوفقك