|
رد: هآآم للجميع بخصوص جوآلآت آلكآميرآ !!!
ما منرفزني بالسالفه الا الدبابيس الموجودين 
اجل جالسه بالقاعه تجي الامن تقولي طلعي جوالج !
خير ان شالله وين قاعدين ! ووش دراها 
وقفت علي انا ؟
نص بنات الجامعه يجيبونه , ولا بعد يصورون ولاحد يمسكهم
ويوم قلت لها تقولي كل امن وضميرها بمسك البنات ..
وبعدين جالسه اذاكر وش دراها عندي بلاك !!
قسم بالله مااستخدمته بشي ممنوع ولا صورت ولا شي ولا اطلعه ا
صلا اخاف بس اجيبه كذا عشان الظهر اكلم السواق ينتظرني ..
فكرة الرقم الثاني اهلي كانوا رافضين الفكره تماما
موسالفه اني متعيجزة يعني
اهلي رافضين الفكره وبالموت اقتنعوا
ويوم طلعت الرقم بسم الله توني ممدى اجيب الثاني الا وذي تطب علي !
ويوم طلعت معها من المحاضره جلست تكلم بجوالها وهي كاميرا !!
يارب كلنا بشر
وكلنا عندنا اباليس
وكلنا نفكر زين
وكلنا نفكر شين
الي بيضر بيضر سواء كبير عاقل ولا صغير
الي يبي الشر يقدر يسويه بأي وقت وبأي مكان
اذا بيمنعون خل يمنعونه على الموظفات وعلى الامن بعد
بس سالفه ناس حلال وناس حرام لا ماتمشي
والله لادعي كل يوم على الي يفتنون على اللي مايسون شي
لا تقولون متنرفزة يوم اخذو جوالي وكتبت كذا
بالعكس انا من زمان منقهره انهم يرضون للامن والموظفات واحنا لا ..
اجل بالاختبار تراقب علينا وهي قسم بالله رافعه الايفون !
وش دراني اذا ماكانت تصور ها !!
والله وضع الجامعه ابد مو زين
ومهما حاولت اتغاضى عن الاشياء البايخه يطلع شي جديد
كنت دايم اقول للبنات تعوذوا من ابليس ومصير كل مشكله تنحل
بس بجامعتنا كل يوم مشكله جديده ومستحيل ننتهي
ومستحيل نلاقي حل ..
انا ما اطالب بالسماح بالجوال الكاميرا لكل الاسباب الي ذكرتوها ومعكم حق في بعض الكلام
بس الي ابيه يكون سواسيه
مابتنقص رجل ولا يد اذا تساوينا ..
ولا الاحسن يمنعون الجوالات مرة وحده شرايكم ؟؟
مثل وحده بجامعه بالقصيم عندهم ممنوع الجوال خير شر
|