احاول أنزع الذكرى .. من اوراق التعب وأنساك
ويرد بداخلي صوت المشاعر .. صعب نسيانك

غيابك .. ضيّق انفاس القصيد وطوّل بـ مسراك
شف دروب السهر ملت مشاويري على شانك

لك الله .. ماسكت صوت الحنين وكل ماناداك
آنادي لك .. ويسرقني الخيال لصوب بيبانك

قريب وديرتك قلبي .. بعيد , وديرتك فـ هناك
وانا ساكن .. هنا .. بين الضياع ويوم هجرانك

تجرعت الجفاف وشحت غيوم الوصل لـ ارواك
وكسبت من انطواء الحال .. مايكفي لفقدانك

كأني كل ما آشعلت الزقاره .. يشتعل فرقاك
عساها لاكوت عرق الغرام .. يموت ماخانك