بديت بسـم اللـي لـه الخلـق تسجـد
الـواحــد المـعـبـود مـاغـيـره إيــــلاه
ربٍ لـــه كـفــوف المسـلـمـيـن تـنـمــد
ماخـيـب الـلـي دايــم يـلــح بـدعــاه
من بعدها خذت القلم نـاوي أقصـد
وأنشد عـن اللـي خافـيٍ ماعرفنـاه
كـم غـالـيٍ نـرسـل مراسـيـل ويــرد
وكـم غالـيٍ نـرسـل ولاعــاد شفـنـاه
لولامعـزتـهـم عـلــى الـقـلـب والـــود
والقلب دايم يعـرض أسمـه وطريـاه
والله لعاملهـم علـى الـصـد بالـصـد
وانسى زمانٍ فـات بالطيـب عشنـاه
هذا الكـلام الصـدق يانـاس والجـد
الـلـي نسـانـا حـالـفٍ ديــن لنـسـاه
ماهـوب طبعلـي لكـن صـرت منحـد
ولالــي ورا المقفـيـن نـاقـه ولاشـــاه
أهل الوفاء والطيـب بالواجـب تسـد
الـلــي معرفـتـهـم رصـيــدٍ كـنـزنـاه
اللـي اليـا غبنـا لـو أسـبـوع تنـشـد
ياطيبـهـم يـاهـل المواجـيـب طـيـبـاه
هـذا الصحيـح اللـي بلثـبـات ينـعـد
ياللي تبون الصدق والصدق منجاه
مـاقـل دل وزبــدة الـهــرج بـحـصـد
صلـى الله وسلـم علـى سيـد الجـاه