ملتقى طلاب وطالبات جامعة الملك فيصل,جامعة الدمام - عرض مشاركة واحدة - مبادئ المحاسبه 2 (استفسارات - تجميع أسئلة - مذاكرة - مراجعة

aseel.w · 2012- 4- 26

اقتباس:

المشاركة الأصلية كتبت بواسطة سم سم هير

السلام عليكم
انا جالسه اذاكر محاسبه وجيت عند مذكرة تسوية البنك
وانسدت نفسي
يبيلها حفظ وآآآآآآآع

احد عنده طريقه سهله تسهل علينا حفظها ؟؟

^

وعليكم السلام

لا مايبي لها حفظ اذا ركزتي وحاولتي تعرفين وش العمليات اللي يسويها البنك ووش العمليات اللي تسويها المنشأة

يعني المحاسب لما يسويها مو يقسم الصفحه قسمين :
1- قسم رصيد البنك بكشف الحساب ( اللي جاي من البنك بكشف الحساب ) يعني البنك يرسل العمليات اللي سواها للمنشأه من خصم واضافه .

2- والقسم الثاني رصيد البنك بالدفاتر ( العمليات اللي سوتها المنشأه حاجه خاصه فيها ) البنك مستحيل مستحيل يكون مطلع عليها او يدري وش فيها .
.
.
.
اللحين لما أسألك وأقولك من اللي يحصل الشيكات ويضيفها بالحسابات .....؟
اكيد بتقولين البنك صح.

طيب من اللي يعطي الشيكات ...؟
أكيد العملاء او المنشأه

كذا انتي عرفتي مهمة كل واحد وتقدرين تحددين متى يضاف ومتى يطرح .

مثال

<< قرقر واجد

أنا صاحبه منشأه
انتي عميله ( زبونه تشترين مني)
احن واحد البنك << وش رايك بس وانت بنك

رصيدي بالبنك 5 مليون ريال

اشتريتي مني بضاعه بمليون ريال وشخطتي لي شيك بقيمه البضاعه مليون ريال حلو ..!

كل هذا صار يوم 29 - 12

انا ناديت محاسب الشركة وعطيته عقودنا

راح هو يشوف شغله اللي هو :

1- ان حساب المبيعات ينقص بالبضاعه اللي اخذتيها.
2- وحساب البنك عندي بالشركه وعلى الورق بيزيد مليون ريال ( قيمه مشترياتك) يعني يصير 6 مليون ريال .
3- يرسل الشيك اللي منك للبنك ( احن واحد ) عشان يخصم المبلغ من حسابك ويضيفه بحسابي .<< العمليه هذي تاخذ 3 أيام يعني ممكن تصير يوم 2-1- من السنه الجديده

* احن واحد متعود يوم 30-12 نهايه السنه يرسل لي كشف حساب بالعمليات اللي صارت على حسابي وبما ان تحصيل الشيك راح ياخ 3 ايام يعني ماراح يتسجل بكشف الحساب .

أرسلها وماسجل إضافه المليون ريال (حساب بضاعتك لحسابي ) ارسل لي الكشف بمبلغ 5 مليون ، طيب

وين المليون المفروض يكون حسابي 6 مليون ريال
ناديت انا محاسب الشركة عطيته الكشوفات قلت له شوف شغلك طلع لي المليون من تحت الارض

يروح مسيكين يسوي مذكره تسوية لحساب البنك عشان يعرف وين الخلل فيه من البنك والا من المنشأه

ولان لبنك لسى ماحصل الشيك واأضافوا المليون بحسابي ، بس محاسبالمنشأة عندي اضافها لحساب البنك في اليوم اللي اشتريتي فيه البضاعه .

بهالحاله في التسوية وش يسوي المحاسب ( معد مذكره حساب البنك).....؟
يضيف المليون ريال لحسابي برصيد البنك المعتمد على كشف الحساب عشان تتساوى العمليات اللي انا سويتها بالعمليات اللي سواها البنك .

وهكذا على كل العمليات المذكورة لك في المسأله
قبل ماتحلين تسألين نفسك هالعملية شغل مين البنك والا المنشأه ،، طيب اضيفها والا أحذفها .

صدقيني سهله بس اعرفي شغل كل واحد .
اتمنى وصلت لك المعلومه