المشاركة الأصلية كتبت بواسطة abotamim

المفروض انكم تتفقون كل واحده عليه شي

واحده تجيب قهوه واحده حلا واحده شاهي اخضر وشاهي اسود واحده تجيب فطائر واحده تجيب عصير وفرشه

وتفلونها من الساعه اربع ونص بعد العصر وتحطون لوحه فوقكم ملتقى طالبات جامعة فيصل

وتجلسون تذاكرون اسئلة الاختبارات الي قبل


القلم هم يوزعون عليكم من عندهم بس احنا نجيب اثبات شخصيه ورقة اثبات حضور الي من موقع الجامعه فيها

اسمك ورقمك الجامعي

بعض القاعات الي خارج منطقة الاحساء يكون فيه مراقبه من قبل وزارة التربيه والتعليم يستعينون بمعلمات

ومعلمين والا من احد الكليات الاهليه

اهم شي الراحه النفسيه قبل الاختبار ولااحد يتسرع يبي يلحق على جمعة الاهل والا يبي يخلص بسرعه

لو تستغلون كل الساعتين بالاختبار عادي اهم شي ماتطلعون وفيه نقطه ماحليتوها حتى لو كنتم مو متئكدين

منها الاسئله اقل شي 50 واكثر شي 70 وكل سؤال عليه درجه اذا كان 70

بالبدايه اطلعو على كل الاسئله والي تعرفه حله واضمن لك 30 درجه على الورقه وبعدها اجلس استرجع معلوماتك

بالباقي

الله يوفقنا جميعآ بالنجاح يارب