2012- 4- 27
|
 |
أكـاديـمـي فـضـي
|
|
|
|
الفزعه << لدواعي أمنيه مستعجله قلت الفزعه
 << أبي أوضح لكم أني حزينه
ياعالم وربي صرت لما أدخل الملتقى أحس بخنقه مو طبيعيه أجي وأحصل مواضيع لماده
الوحده عشر طعش موضوع كل واحد يحط محتوي وكل واحد يحط أسئله وربي أني تشتت
وماصرت اعرف وش اللي أقدر أذاكره هذا غير مواضيع الإحباط الماده صعبه وماعرفنا نذاكرها
<< محسوبتكم للحين مافتحت ولاماده عشان كذا كل مره أدخل أنصدم ويجيني مغص
بقلبي 
مسكت مبادئ إداره حسبالي بذاكر صار لي أسبوعين وأنا بنفس الصفحه هالصفحه من كثر
ماشخمطت فيها صرت بفرشها لنا سفره ع الغداء 
نجي للأهم أنا بصراحه رأسي أفتر وقبل مانزل الموضوع ترددت كثير بس وش أسوي ماحصلت
غيركم << خوياتي داشرات مثلي وشرواي لذلك الإعتماد عليهم صعب 
أنا توهقت وأشتريت المحاضرات ماختلفنا رحت سويت لها مقارنة محتوى باللي منزلها هتان
يعني اللي الحين متاكده منه مبادئ إداره ومهارات التعليم وفيه العقيده والتحرير هذي مضطره
أطبعهم لأنو جبت مادة التحرير القديمه !
يعني باقي للحين صحه ولياقه وإنقلش وفيه النحو التطبيقي وأنا حملت ملخص النحو اللي
منزله أبو فهد وللحين مو عارفه إذا هو بس اللي نذاكره وعندي كمان مدخل إلى تقنية
المعلومات هذي مو عارفه وش اللي أقدر أعتمد عليه عشان اقارنها بالمحتوى اللي عندي .
وكمان أسئلة العام الماضي أبيها لإن شكلي في الأخير ماراح أذاكر إلا هي واللي يصير يصير
وربي نفسيتي خاست من قلت بدرس نعنبو هالدراسه
أدري والله هذرت كثير واللي عنده وقت ويقدر يساعدني أكون ممنونه وسلامتكم 
|