^^^^^

وأنا عارفة ان الدوام بيوم البريك ماأدري كيف وعلى الفاضي بعد

بس يظل أفضل من الدوام بالأسبوع اللي قبل الإمتحانات النهائية على طول

أنا مقدرة شعوركم لإني مجربته (في مواد ثانية الدكتورات مايتواصلون معانا )
أداوم عشان محاضرة وحدة وتطلع ملغية وأتنقع من 7:30 أو قبل لين 12:30 ياريت في أحد يرجعني البيت

وأكيد حتى الدكتورة متضايقة من هالشي يكفي الزحمة والفوضى اللي تصير لما تجمع شعبتين مع بعض بس شتسوي دام ظروفها كذا

ومن ناحية انها قالت محاضرتكم الأربعاء وماجتكم أكيد صار عندها ظرف بنفس اليوم ترا تصير ساعات كذا ودام هي دايما تلزم
بس هالمرة اعذروها يكفي انها عطتكم خبر حتى وهي مو مداومة <<< التمس لأخيك سبعين عذرا

وانتوا اذا حسيتوا فيه أي شي مضايقكم كلموا الدكتورة بعد المحاضرة أفضل من قبلها عادي أي وحدة منكم تكلمها بأسلوب حلو بتشوفونها كيف بتتفاعل معاكم
<<< انبه اللي بتتكلم يكون اسلوبها مهذب لإني شفت نماذج ماأقصد احد معين بس من واقع التجربة الدكتورة يظل لها احترامها مهما كان

وانا ماكتبت كلامي عشان شي بيني وبينها أو اعرفها من زمان أو .....
انا زيكم ماعرفتها الا لما درستني بس انا صارت لي مواقف معاها وتعاملت معاها حتى بعد ماانتهت علاقتي بمادتها وحتى من خلال تدريسها لي
هالدكتورة هي بنفسها تقول (مع اني عارفة هالشي ) وهالترم انها حريصة على تأدية الأمانة وانها تراعي الله فيكم وانها تبي تتواصل معاكم بأي طريقة قد ماتقدر


ودايما تقول ( طالباتي أخواتي ) <<< ونعم الأخت يادكتورة إيمان الله يحفظك ويرعاك

فحبيت اصحح الفكرة اللي ماخذينها عنها وبتكشفون إن شاء الله انها عكس ذلك وبتتمنون انها تدرسكم كل موادكم <<< ولاحد يقول فيزيائية ماقالت