|
رد: مبادئ المحاسبه 2 (استفسارات - تجميع أسئلة - مذاكرة - مراجعة - اختبارات)
^
هههههه ياملحك وأنت نصاب 
بخير جعلك بخير، أنت وشلونك ..؟
احن إسمه عزوز لايق عليه الاسم 
،
،
،
المعالجه المحاسبية يعني كيف تسوي قيود الاقفال والتسوية وتعالجها وتحط كل شئ بمكانه .
أنت اللحين انتهيت من تقييم المحزون وقدرت كميته وقيمته ( قيمه التكلفه ) يعني البضاعه اللي بقت في المحازن وهي ملكك دايم تحسبها بسعر التكلفه ( بكم انت ملكتها ..؟ كم كلفتك ..؟)
كأي تاجر وبدون شك دايم قيمه التكلفه اقل من قيمه البيع اللي هي عباره عن ( قيمه التكلفه + الربح )
وحنا في المحاسبة دايم ماناخذ الارباح بعين الاعتبار عشان كذا بتظهر عندنا في حساب ملخص الدخل بقيمه التكلفه فقط لانه لسى مابعناها ( هي مخزون) .
بس المحاسبيين المتفلسفين الغثيثيين الـ ...  قالوا لا ...!
بضاعه اخر المده ( المحزون ) عند تقيمها وجرد نهايه السنة لها سعرين << يازين الفلوس 
1- سعر التكلفه .
2- سعرها بالسوق ( لو لو لو مثلاً ببيعها )
حزتها يكون فيه 3 احتمالات لتقيم عساس ننهي إجراءات المعالجه المحاسبية من تسوية واقفال .
،
،
،
مثلاً انت عندك منشأه ونشاطها ( تجاره الحديد ) نهايه السنه اخذت فره على مخازنك تبي تجرد
محزونك ( بضاعه اخر المده ) وزي ماانت عارف الحديد مايثبت على سعر اسهمه كل يوم بسعر وحسب القواعد المحاسبية لجرد المحزون عند الثلاث إحتمالات اللي فوق :
* كل الحديد اللي بمخازنك قيمه تكلفته = 10 مليون ( كلفك 10 مليون عشان تشتريه )
عند التقييم :
1- سعره بالسوق = 10 مليون كذا انت لا رباح ولا كسبان تقيدها بسعرها .
2- سعره بالسوق 15 مليون ريال وفي المحاسبة الارباح ماناخذها بعين الاعتبار يعني نقيدها بسعر التكلفه ايضاً .
3- سعرها بالسوق 8 مليون ريال احتمال اني لو بعتها أخسر 2 مليون عن سعر تكلفتها أقيدها بسعر التكلفه ومن- مبدأ الحيطة والحذر - اخذ الخساير بعين الاعتبار بتكوين مخصص ( حساب) هبوط القيمه السوقيه ) <<المحتمل حدوثها .
،
،
،
هاه يالغالي دخلت راسك :58545: << ياويلك تقول لا
لا عاد امزح معك ماعندي مانع اشرحها مره ثانيه واذا احد عنده إضافه يضيفها
ترى قدراتي بتوصيل المعلومه ماش مو ذاك الزود
أطيب التحيات 
|