|
رد: سَجِل حضورِك بِ بيت شعر [ بدون تَواقيع ]
على طريق الحلم .. واقف لي سنين ..
واليوم .. كنّ الحلم غيّر طريقه ..
ولاعدت أسأل ليه .. او كيف او وين ..
و لاعاد تعنيني من الوقت ضيقه ..
وان حارت الدمعه وضاقت بها العين ..
تطيح من عيني وتصبح .. طليقه ..
أخفيتها .. من قبل اذوق الأمرّين ..
من قسوه الواقع لـ جرم الحقيقه ..
صدمه ومالت في كفوف الموازين ..
.. خلتني احمل فوق مالا اطيقه ..
نقلتها مابين يمكن ... وبعدين ..
شهقت صبري .. مير طول شهيقه ..
واصبحت مثل اللي بلش بين الأدنين ..
هذا ولد عمه ... و هذا شقيقه ..
وشلون أوفي الدين .. ياصاحبي دين ..
وشلون أبصبر والمشاعر رقيقه ..
على طريق الحلم ... شفني لي سنين ..
واليوم حتى الحلم ... غيّر طريقه ..
|