* تكلفة الفرصة البديلة:هي عبارة عن العائد المفقود نتيجة عدم اختيار البديل التالي في الأفضلية للبديل الذي تم اختياره، وهي لاتمثل إتفاقاً فعليا أو مخططاً.
بمعنى: عندك 100.000 ريال وتبين تحطينها في مشروع يجيبك لك أرباح، وعندك ثلاث خيارات (بدائل) تختاري وحده منهم:
- المشروع الأول (محل مكياج وعطور):
إيراداته 100.000 ريال، مصروفاته 80.000 ريال، يصير صافي الربح 20.000 ريال
- المشروع الثاني (محل ملابس نسائية):
إيراداته 80.000 ريال، مصروفاته 65.000 ريال، يصير صافي الربح 15.000 ريال
- المشروع الثالث (محل صالون نسائي):
إيراداته 100.000 ريال، مصروفاته 70.000 ريال، يصير صافي الربح 30.000 ريال
أكيد بتختاري مشروع صالون نسائي لأنه يجيب لكي أرباح أكثر ( 30.000 ريال ربح)..
طيب نجي لتكلفة الفرصة البديلة اللي هي موضوعنا:
- المشروع الأول (محل مكياج وعطور):
تكلفة الفرصة البديلة (الفرصة الأفضل) بمعنى (أفضل فرصة راح تختارينها في حالة عدم إختيارك لهذه الفرصة) راح تكون أكيد ربح الصالون النسائي لأنه أفضل فرصة وتدر أرباح أكثر، يعني تكلفة الفرصة البديلة هي (أرباح أفضل فرصة) 30.000 ريال.
- المشروع الثاني (محل ملابس نسائية):
تكلفة الفرصة البديلة (الفرصة الأفضل) بمعنى (أفضل فرصة راح تختارينها في حالة عدم إختيارك لهذه الفرصة) راح تكون أكيد ربح الصالون النسائي لأنه أفضل فرصة وتدر أرباح أكثر، يعني تكلفة الفرصة البديلة هي (أرباح أفضل فرصة) 30.000 ريال.
- المشروع الثالث (محل صالون نسائي):
تكلفة الفرصة البديلة (الفرصة الأفضل) في الحالة هاذي إذا مااخترتي هذا الفرصة اللي هي في الواقع الأفضل لأنها تدر أرباح أكثر، راح تختاري بالتأكيد الفرصة اللي بعدها على طول في الربح يعني تختاري محل بيع مكياج وعطور اللي أرباحه 20.000 ريال، يعني بتكون تكلفة الفرصة البديلة هي (أرباح أفضل فرصة عندك) اللي هي 20.000 ريال.
- المشروع الأول: في حالة إنك ركبتي راسك وقلتي مافيه أبي المشروع الأول محل بيع مكياج وعطور، والمنتدى كله يقولك يابنت الحلال المشروع الثالث اللي هو صالون نسائي يربحك أكثر وأنتي معزمه إلا المشروع الأول، كم راح تخسري؟
ببساطة خسارتك إذا اخترتي المشروع الأول تساوي: ربح المشروع الأفضل - ربح المشروع اللي اخترتيه
يعني = 30.000 - 20.000 = 10.000 ريال.
- المشروع الثاني: في حالة إنك ركبتي راسك ثاني مرة وقلتي مافيه أبي المشروع الثاني محل بيع ملابس نسائية، والمنتدى كله يقولك يابنت الحلال المشروع الثالث اللي هو صالون نسائي يربحك أكثر وأنتي معزمه إلا المشروع الثاني، كم راح تخسري؟
ببساطة خسارتك إذا اخترتي المشروع الثاني تساوي: ربح المشروع الأفضل - ربح المشروع اللي اخترتيه
يعني = 30.000 - 15.000 = 15.000 ريال.
- المشروع الثالث: في حالة إنك ركبتي راسك ثالث مرة وقلتي مافيه ماأبي المشروع الثالث صالون نسائي، والمنتدى كله يقولك يابنت الحلال المشروع الثالث اللي هو صالون نسائي يربحك أكثر وأنتي معزمه ماأبيه، طيب في هاذي الحالة منطقياً راح تختاري المشروع اللي يجي بعده في الربح اللي هو المشروع الأول محل بيع مكياج وعطور، طيب تكوني في هاذي الحالة كم خسرتي؟
ببساطة خسارتك إذا ماخترتي المشروع الثالث تساوي: ربح المشروع الأفضل - ربح المشروع اللي اخترتيه
يعني = 30.000 - 20.000 = 10.000 ريال.