ملتقى طلاب وطالبات جامعة الملك فيصل,جامعة الدمام - عرض مشاركة واحدة - [ تصويري الخاص ] ماتخيّرت .. حب الخيل . ...رسمتي لاجلكم

رحال 2626 · 2012- 5- 5

شاقني شوف الحصان اليعربي
لنه أجمل خيل من بد الخيول
مايقارن به مهجن وأجنبي
ياحلو خيل الصحابه والرسول
أمتدحها الله ومجدها النبي
وفارس بذاك الزمن فيها يصول
لا لمحت الخيل مسيت شنبي
والكدر والضيق عن بالي يزول
يالسان أهرج ويايد أكتبي
وصفي اللي ياعسى يلقى قبول
ودي أكتب بالخيول اللي أبي
حبها يفرض علي أبدع وأقول
كن راس اليعربي راس الضبي
والعيون وساع بارقها يهول
وجبهته ميدان وأذنيه طلبي
كنها بشخوصها العود النحول
والمناخر والصدر مينا دبي
والظهر عن متر ما يمكن يطول
والحوافر مستديره لولبي
وذيله المرفوع يختال ويجول
وأن رقص مايقهره تل الصبي
وأن وقف يازين وقفاته ملول
رافعن راسه كما الشهم الأبي
أو كما الطربان لا سمع الطبول
وأن بغيته للختل جاك يحبي
بالحساسه كنه الطيرالجفول
بالوفا ماحدن يجاريه يهبي
حبه لراعيه أشد من الذلول
لجل عينه قامت حروب وسبي
ومن جهل بالخيل بالدنيا جهول
ذا كلام اللي يحب اليعربي
لنه أفضل خيل من بد الخيول

2012- 5- 5	#45
رحال 2626 متميز بملتقى الفنون الادبية الملف الشخصي: رقم العضوية : 69830 تاريخ التسجيل: Sun Jan 2011 المشاركات: 12,159 الـجنــس : ذكــر عدد الـنقـاط : 141929 مؤشر المستوى: 323 بيانات الطالب: الكلية: كلية الأداب بالأحساء الدراسة: انتساب التخصص: لغة أنجليزية المستوى: خريج جامعي	رد: ماتخيّرت .. حب الخيل . ...رسمتي لاجلكم شاقني شوف الحصان اليعربي لنه أجمل خيل من بد الخيول مايقارن به مهجن وأجنبي ياحلو خيل الصحابه والرسول أمتدحها الله ومجدها النبي وفارس بذاك الزمن فيها يصول لا لمحت الخيل مسيت شنبي والكدر والضيق عن بالي يزول يالسان أهرج ويايد أكتبي وصفي اللي ياعسى يلقى قبول ودي أكتب بالخيول اللي أبي حبها يفرض علي أبدع وأقول كن راس اليعربي راس الضبي والعيون وساع بارقها يهول وجبهته ميدان وأذنيه طلبي كنها بشخوصها العود النحول والمناخر والصدر مينا دبي والظهر عن متر ما يمكن يطول والحوافر مستديره لولبي وذيله المرفوع يختال ويجول وأن رقص مايقهره تل الصبي وأن وقف يازين وقفاته ملول رافعن راسه كما الشهم الأبي أو كما الطربان لا سمع الطبول وأن بغيته للختل جاك يحبي بالحساسه كنه الطيرالجفول بالوفا ماحدن يجاريه يهبي حبه لراعيه أشد من الذلول لجل عينه قامت حروب وسبي ومن جهل بالخيل بالدنيا جهول ذا كلام اللي يحب اليعربي لنه أفضل خيل من بد الخيول
	التعديل الأخير تم بواسطة رحال 2626 ; 2012- 5- 5 الساعة 05:35 PM