قبل الغـرام وقبـل مااصيـر .. مغليـگ
أعاهدك مااقول : غير ..( آمـر وسـمْ )
حتى لو إنك قلـت : برحـل .. وأخليـگ
بقول لـك : تامـر علـى ماتبـي .. تـمْ
رايـح أكـون إنسـان .. يفهـم مباديـگ
أشاركك بالضحك .. والحـزن .. والهـمْ
مهتم بكْ .. وأغلي بعد مـن .. يخاويـگ
ومن لايهمـك مانـي ب فيـه .. مهتـمْ
بفتح لك .. بصدري وقلبـي .. شبابيـگ
وأنقش غرامك وأرسمـه .. داخـل الـدمْ
وإنْ جاك نوم .. رموش عيني .. تغطيـگ
غمض عيونك وسط عينـي وثـم .. نـمْ
وان قلت لي وش كبر حبـي بخافيـگ ؟؟
أقول أحبك .. بس .. مـدري أنـا كـمْ !!
أبيـك تسرقنـي .. لروعـة مراسـيـگ
وأموت بك موتة غريـق ٍ .. وسـط يـمْ
أبيـك تـدرك يـوم انـا جيـت أماشيـگ
قصدي تكون أقرب من .. الخـال والعـمْ
قصـدي تبعثرنـي .. الي مـر طاريـگ
وأحنْ لك .. وأجيـك .. ملهـوف اللـمْ
قصدي أعشقك .. وأتمنـاك .. وأرجيـگ
وأشفق على شوفك.. وضحكك .. مع الضمْ
أبيـك تفهـم ..!! يمكـن أقبـل تماديـگ
وأسامحك لااخطيـت .. وأقـول : ماهـمْ
لكن ..!! لو إنك قلت : برحـل وأخليـگ !!
بقول لك أبشـر .. علـى ماتبـي .. تـمْ