ياهيه يوم انك كشفت المظاريف - - - وهواجسك مشاعرك ماكتمتها

بين الدراسة والهوى لك مجاديف - - - تحتار مابين الرموز وصفتها

ادارة الاعمال ضد المواليف - - - كم عاشقاً يافكر قبلك نعتها

يومك محاسب عارف ٍ للمصاريف --- التكلفه وش فايدة تضحيتها

لاصار ماتعطي مشاعرك تكييف - - - جنب وخل العالم ونرفزتها

ترا المحبه ماتجي بالسواليف - - - مجهولة ٍ ماينعرف خاتمتها

لو يدري الملحم بكل التكاليف - - - ماهو بعارف يافكر تكلفتها

هذا كلام اللي يعرف التواصيف - - - ماهو كلام الجامعه ..وفلسفتها

شاعر رايق