السلام عليكم

اخواني واخواتي ادعوا لي اول شي الله يفرج علي واخلص على خير ان شاء الله
انا منومة بالمستشفى تقريبا بكمل اسبوع وقبله تنومت وطلعت على مسؤوليتي لانهم مقررين يسوون العملية على نص الاسبوع هذا
واليوم وقعت وطلعت على مسؤوليتي بالرغم من تحذيرات الاطباء واخذ تواقيع لاخلاء مسؤوليتهم عن حالتي لاني ايضا مريضة قلب
المشكلة انهم لاهم اللي قدموا وسووا العملية ولا تأخروا بيسوونها بداية الاختبارات قبل الاربعاء
والمشكلة الاكبر انهم مازالوا يحللون ويسوون فحوصات وتصوير لتحديد المكان حق العملية
يعني يبي لهم وقت يراقبون اليوم كملت 8 ايام وهم لازالوا يحللون الدم يوميا مرتين ثلاث وتصوير سونار
الحاصل اني طلعت الصباح على مسؤوليتي وقالوا لي بيصير معاك نزيف او انفجار وتسمم
ووضعي الصحي بدا الحين يتدهور ونفسيتي زفت يارب لك الحمد على قضاءك وقدرك والحين فعلا بدا معي النزيف
وادري خلاص بينقلوني للمستشفى في هالوضع وش اللي بيصير لي من ناحية الجامعه
متى راح يعيدون الاختبارات لي وشلون ووين بختبر وبتتراكم للمستوى الرابع والا لا يارب تفرجها علي ياكريم
ادري بتقولون الاهم صحتك لكن والله اني متضايقة وفي هم كبير لاني مارح احضر الاختبارات
واخلص هالمستوى كان حلمي اخلص هالمستوى بالذات على خير
ختاما اخوتي واخواتي اشهد الله اني احبكم فيه واتمنى لكم من كل قلبي التوفيق والنجاح
وسعاده لاتنتهي اينما كنتم ان قدر الله وعدت سنلتقي مرة اخرى
وان قبض الله وديعته فأسئلكم ابراء الذمة سامحوني وحللوني ان بدر مني مايسوؤكم بقصد او بغير قصد
وادعوا لي فإني في حال لايعلمها الا الله والله اني اكتب وابكي لكن قضاء الله نافذ
والحمدلله على كل حال اللهم اني راضية مسلمة بقضاءك وقدرك اللهم اني بين يدي رحمتك فارفع عني ما اجد واحاذر
بجهز شنطتي وبطلع للمستشفى بعد الظهر لاتنسوني يااخواني وخواتي من دعواتكم بالشفاء العاجل لعل منكم من لو اقسم على الله لابره

وموفقين جميعا باختباراتكم الله يسهل عليكم ويوفقكم

استودعكم الله الذي لاتضيع ودائعه