المشاركة الأصلية كتبت بواسطة now or never

اسمع وانا اخوك قو قلبك ولا تحرق قلبك على ناس ما تستاهل

يا خذينا من الدينا على روسنا

بس الضربة اللي ما تذبحك تقويك

صرنا مهوب شمعه صرنا كشافات لين احترقنا ومحد درى عنّا

طيب وبعدين والنهاية والى متى طيب

صدق فيه ناس ما تسوى حتى التفكير فيها والوقت اللي افكر فيهم اعتبره خسارة وماهم بكفوا

افكر فيهم رمشة طرف

ليش اعلق عمري فيهم


الدنيا كبيره والناس واجد 6 مليار

والدنيا ما توقف على واحد ولا 1000 خذ من ايامك دروس ولا تنساها

والذيب شرواك يتعلم حتى من دروس غيره

ترى الدنيا فيها خير كثير بس الخير يخص والشر يعم

لا بد نتعلم

عط كل على قده وقدره بس امّّن ولا تخوّّن

بس خلك على حذر وثقل وازن الامور صح وامسك العصا من النص تعيش مرتاح

ابتعد عن الزياده في كل شي بالعلاقات مع الناس خلك وسط

لا تكون لين تنعصر ولا تكون قاسي تنكر (هالعبارة قلتها كثير وبقولها بعد)

العذر من صاحبة الموضوع على الاسترسال .

بس قريت رد اخوي الغالي أسير نجد وهيضني

حسيت انه يمر بمرحلة من حياته انا مريت فيها وتخلصت منها بلا رجعة

وقلّّب علي اشياء كثير راحت مراح الجراد والله لا يعودها ولا يعود اهلها

ومن باعني بالرخص بتراب ابيعه