يوم احبك قلت كلمه : يكرم المرء او يهان
وانت قلبي ماكرمته ماقدرت انك تهينه
تدري لما قلت احبك قلت وماعندي ضمان
واختياري كان خاطئ تجربه بالحيل شينه
كنت تخطي وكنت اسامح مره مرتين ثلاث
ادمح الزله عشان واكتم انفاس الغبينه
كنت احبك وكنت اعزك والغلا فيني جبان
اخاف تزعل لو ألومك ضعت مابينك وبينه
في عيون الناس عادي بس في عيني جنان
وكان قلبي من يشوفك تفضحه نظرة حنينه
جاي تسأل عن مكانك هو بقى فيني مكان
الله يرحمها المشاعر اللي كانت لك رهينه
قلت لك قلبي مدينه فيها لك حشمه وشان
لكن انت الحين اغرب شخص في هذي المدينه