..



يا آخـر ذنوبي نويت اليوم تكفيرك ..
بـ آطهّر النفس يمكن ينشرح صدري ..!!

ما جيت استعطفك واحظى بتقديرك ..
من غير تقدير شخصك عالي ٍ قدري ..!!

ما دام عقلك براس الغير : ويديرك ..!!
عقلي براسي بغيب وامتلك عذري

ولاّ انت .. ضحكتني بعذرك وتبريرك ..
لو ساكت ابرك وليتك معتذر بدري ..!!

إرجع إلى مستواك ونفس تفكيرك ..
إلعب على شخص كبرك منته بـ كبري ..

الامر بيدي .. ولو حبيت تدميرك ..!!
أدمرك .. بس طيبي .. رافض ٍ غدري ..

لو بخرب بيوت .. أقدر .. والله يجيرك ..
بس إحمد الله تراني ماسكه عمري ..!!

خـــلاص برحـــل وكـثرّ ربنا خيرك ..
كسرتني بس ربـــي قادر ٍ جبري ..

مادام قلبك تغيّر واختلف سيرك ..
خلني مع فرحة ام ٍ همها أمري ..

الحين دوري اصير لواحد ٍ غيرك ..
ودعتك الله مع تقديري وشكري ..





.