المشاركة الأصلية كتبت بواسطة رضوان

حسب تجربتي مع عمل الامتحانات, هذي النظرية صحيحة لحد ما

لأني وقت اللي أحط السؤال تكون له إجابة معينة أحيانا مفصلة وواضحة لي, فأحطها في الاختيارات
وبعدين أبدأ أحط الاختيارات الخاطئة, وصدقي أو لا تصدقي هذا هو أصعب جزء في إعداد الأسئلة, البحث عن خيارات خاظئة هو أصعب ما في هذا الموضوع
من وين تقدر تجيب اختيارات شبيهة بالحل الصحيح تعرف من خلالها أن الطالب فاهم السؤال وما تمشي عليه هذي التمويهات

وبما أن وضع الخيارات الخاطئة صعب, فما راح أزيد من صعوبة الموضوع بالبحث عن خيارات خاطئة طويلة ومفصلة, علشان كذا تلاقي إجابة فيها تفصيل وإجابات مختصرة خاطئة

بس لأني أعرف أن هذا تفكير الطلاب صرت أحط إجابات خاطئة مفصلة علشان الطلاب لا يعتمدون هذا الأسلوب, لأن الدكاترة أيضا يعرفون أن هذا تفكير الطلاب فيحطون لهم هذي المصيدة

ليش يحطون مصيدة للطلاب؟ ويش بينهم وبين الطلاب؟ أكيد الدكتور ما يبي ينجح واحد مو فاهم المادة!