اتمنى ألاقي حل لمشكلتي أنا السنه هذي تخرجت من الجامعه بمعدل حلو الحمد لله و قدمت على مدارس خاصة لطلب التدريس و طلبتني مدرسة و كانت اعصابي جدا تعبانه و صرت بس أبكي ولما رحت و شفت الطالبات خفت و ما عاد رحت للمدرسة مرة ثانية حسيت بخوف شديد و بديت من شدة الخوف اخربط في الكلام رغم ان الطالبات كانوا أصغر مني و دائما أشعر بعدم مقدرتي على التدريس ، أنا مشكلتي ما عندي ثقة بنفسي و الجرأة معدومة و أنا أمنيتي أكمل ماجستير و دكتوراة أو أصبح معيدة بس أنا ما قدرت اوقف قدام الطالبات فكيف راح اكمل دراستي و ايش راح أسوي لو بيعملوا مقابلة شخصية معايا للدراسات العليا و كل ما أتذكر إني ممكن أتوظف في يوم من الأيام تجيني حالة نفسية مو طبيعية أنا حاسة كل طموحاتي راح تدمر بسبب شخصيتي ايش ممكن اسوي عشان تكون عندي ثقة بنفسي و تكون عندي الجرأة و تروح مني رهبة التدريس و المشكلة كمان لما يكونوا أهلك حاطين أمل كبير عليكي..