|
لمعرفة متى نجمع ونطرح واحد من قيمة z امشوا على هالقوانين أكيد 100% >> اخر كلام -_-
.
السلام عليكم ورحمة الله وبركاته...
ماراح أكتب شي جديد بخصوص هالموضوع بس بضيف ملاحظات بسيطة
فقط لعدم التشتت بين الآراء والمواضيع بخصوص قيمة Z
المهم ...
هناك جدولين لقيم Z .... جدول لنصف مساحة Z اللي موجود بتمارين الدكتور سلطان
وجدول لكامل مساحة Z اللي يستخدمه الدكتور النجار وموجود بالمحتوى صفحة 44
طبعاً احنا اللي بنمشي عليه هو اللي يمشي عليه الدكتور النجار
يعني التمارين المحلولة باسئلة الدكتور سلطان انسوها تماما وعيدو حلها بطريقة النجار
ولا ماراح تنفعكم .. لأن طرق الحل مختلفة تماما
هناك نطرح ونحمع ( 0.5 ) يعني نص وهنا نجمع ونطرح ( 1 )
هناك مايهم اذا كان العدد سالب أو موجب
هنا يهمنا إذا كان العدد سالب أو موجب لان الطريقة بتختلف
---------------------------------------------------------
باختصار شديد اذا جا سؤال بالامتحان بخصوص هالموضوع:-
فيه اربع حالات فقط مايطلع منها السؤال
1- إذا كان العدد موجب وطلب بالسؤال أكبر من >> نطرح واحد بعد مانطلع قيمة الجدول
2- إذا كان العدد موجب وطلب بالسؤال أصغر من >> نطلع القيمة من الجدول وبس
3- إذا طلب قيمة Z بين عدد موجب وعدد موجب آخر >> نطلع قيمهم من الجدول ونطرحهم من بعض
4- إذا طلب قيمة Z بين عدد موجب وعدد سالب
>> نطلع قيمهم من الجدول ونطرح واحد من قيمة العدد السالب
ونطرح النواتج من بعض
بذكر الحالات مع أمثلة من المحتوى نفسه للتأكيد
1- إذا كان العدد موجب وطلب بالسؤال أكبر من
مثال من صفحة 44
أوجد احتمال أن Z أكبر من 1.64
لاحظوا العدد موجب وقال أكبر من
اذا نطلع القيمة من جدول Z عند صف 1.6 وعمود 4
= 0.9495 الحين نطرح منه واحد ... 1 - 0.9495 = 0.0505
إذا كان العدد موجب وذكر بالسؤال أصغر من
مثال صفحة 43
أوجد احتمال أن Z أقل من 1.64
تطلع القيمة من الجدول = 0.9495 .... فقط الى هنا وقف الحل
اذا طلب قيمة Z بين عدد موجب وعدد موجب اخر
مثال صفحة 42 أسفل الرسمة
مااحتمال أن تقع Z بين صفر و 0.5
نطلع قيمة الصفر من الجدول = 0.5000
ونطلع قيمة 0.5 من الجدول = 0.6915
نطرح النواتج ويكون الناتج = 0.1915
>> هذا اللي طلع بالآلة ... وبالمحتوى كاتب 0.19146 وهو نفسه 0.1915
2- إذا كان العدد سالب
بجميع الحالات والأحوال اذا كان العدد سالب نطلع القيمة من الجدول ونطرح منها واحد
سواء قال أكبر من أو أصغر من
مثال صفحة 45 أول مثال فووق
أوجد المساحة تحت المنحنى المعتدل المعياري على يمين Z = -1.65
على يمين تعني أكبر من
الحل : نطلع قيمة 1.65 من الجدول = 0.9505 نطرح منه واحد = 0.0495
نشوف مثال يكون فيه أصغر من
مثال صفحة 45 المثال الثاني اللي فيه 4 فقرات
الفقرة الأولى نسبة السيارات التي تقل سرعتها عن 50 ميلاً
بعد ماطبقنا الناتج طلع -2
ندور قيمة 2 من الجدول = 0.9772
نطرح واحد من الناتج 1 - 0.9772 = 0.0228
إذا طلب قيمة Z بين عدد موجب وعدد سالب
مثال صفحة 42 المثال الثاني تحت الرسمة
احتمال أن تقع Z بين 0.5 و - 0.5
أول شي نطلع قيمة 0.5 من الجدول بغض النظر عن الاشارة
قيمة 0.5 = 0.6915 وكذلك قيمة - 0.5 من الجدول = 0.6915
الحين المفروض نطرح نواتج القيمتين علطول لكن هنا عندنا سالب
لذلك ناخذ قيمة -0.5 واللي هي 0.6915 ونطرح منها واحد والناتج = 0.3085
الحين نطرح قيمة 0.5 اللي هي ( 0.6915 ) من قيمة -0.5 اللي هي ( 0.3085 )
0.6915 - 0.3085 = 0.383
طبعا بالمحتوى محلول بطريقة معقدة فيها ضرب 2 ومدري ايش
لكن اهم شي الناتج نفسه
-------------------------------------------------------------
طبقوا هالقوانين على أي مثال بالعالم .. وطبقوها على تمارين الـ 150 سؤال
بس على جدول كامل مساحة Z اللي بالمحتوى وليس نصف مساحة Z اللي بالتمارين
على فكرة الأمثلة اللي ذكرتها فوق بالمحتوى محلولة بطرق مختلفة نوعاً ما
لكن الناتج بالأخير صحيح ...
والكلام اللي كتبته فوق ماراح يكون له فايدة إذا كانت أسئلة الاختبار مكررة مع نفس الأخطاء
فماراح يفيدنا لا قانون ولا غيره لأن كل الاختيارات يمكن تكون صحيحة على اساس انو مانعرف
بأي طريقة حل السؤال ومن أي وجهة نظر
أتمنى يكرر كل الأسئلة ماعدا السؤال المتعلق بهالموضوع 
.
التعديل الأخير تم بواسطة سيدة الأسئلهـ ; 2012- 5- 10 الساعة 10:32 AM
|