الموضوع
: جميع التخصصات
انطباعاتكم عن حفل التخرج 1433هـ
عرض مشاركة واحدة
2012- 5- 10
#
6
كبرياء جرح
أكـاديـمـي ألـمـاسـي
الملف الشخصي:
رقم العضوية : 35983
تاريخ التسجيل: Tue Sep 2009
المشاركات: 1,175
الـجنــس : أنـثـى
عدد الـنقـاط : 450
مؤشر المستوى:
78
بيانات الطالب:
الكلية:
كلية التربية
الدراسة:
انتظام
التخصص:
فيزياء
المستوى:
دراسات عليا
رد: انطباعاتكم عن حفل التخرج 1433هـ
تجيب كرتون المنديل وغرشة الموية وتتربع <<~ تتجهز للسوالف
بسولف اول عن نفسي عقب بتكلم بشكل عام
طبعاً وصلت 7 وربع للبوابة وقال الأمن الرجالي ان بوابة الخريجات من مكآان والامهات من مكآن
عاد انا تشعبطت بامي اقولها لو تقفلين جوالك قسم بالله أقعد و ابكي بوسط المسيرة ولا علي
من أحد
قالت طيب طيب ماني قافلة روحي
رحت لحالي وكل شوي اسأل واحد من هالأمن الرجالي
وين كلية العلوم وين كلية العلوم ؟ وكل واحد يدلني لمكان
آخر شي نفخت بواحد : أنا علوم فيزياء وانتم تلعبون فيني درت ع القاعة كاملة
قال تعالي معي قلت لا قولي وين اروح <<~ محلاه ماشي معي
قال امشي ورآ وبتلقين مكانكم رحت ولقيت واحد محترم ماهو مثل الباقي قزقزة
عطاني ظهره وقال ادخلي ولا شاف كرتي
اول مادخلت شفت امن العلوم يانه جتني فرحة بغيت اخمهم من السعادة <<~ مستاحشة
بشهادة الجميع أمننا كان أفضل امن أسلوب وتعامل ورأفة بحال البنات وكان يمشونك وهم يباركون لك
العموم دخلت
ومرة ثانية لفيت القاعة كامل لين لقيت صديقاتي اول ماشفتهم ركضت وحضنت وحدة منهم
وانا صاكتني العبرة واحكيها
وهي تقولي ذكرى ذكرى
المهم فسخت عباتي ووريتهم كشخت لبست مشلح التخرج وتزبطت وقعدت على جنب
أدق ع امي
: هي دخلتي ؟ ,, أيييه دخلت لا عاد تدقين
وعاد تقفل الجوال
<<~
المهم قعدت مع البنات وسوالف وكل وحدة تمدح شكل الثانية
بكل أمانة وكذآ
اشكال الفيزياء غير وحتى حماسنا غير
المهم جو ورتبونا محضرات المعامل لباهن
بس طولنا وهم ينادون الاسماء
والغبنة خلو الاداب قبلنا !
معليش ليش حنا دايم بنات البطة السودآ ؟
بس وحدة من صديقاتي قالت دائما ختامها مسك
يوم قالو خريجات جامعة الدمام كلية العلوم للبنات
وحنا صرخنا وصفقنا بأقوى شششششي
وبدو ينادون كل قسم
وومشونا لين وصلنا للقاعة وقالو : خريجات كلية العلوم قسم الفيزياء
وحنا صرخنا بنات الفيزياء مرة ثانية
ولا قعدنا نلوح بايدينا كاننا أميرات يسلمون على شعبهم
عقب مشينا ورقينا وجلسنا على الكراسي لين خلصو كلية العلوم
كانو حاطين تحت الكراسي ذيك الاشياء اللي تنفقع وتطلع اشيائات ملونة ولماعة
يوم خلصو الكلمات شغلو انشودة وحنا فكيناها هالاشيائات وطلع يجننن الجو لمعات من كل مكان
وحركات جميلة
وهنا انتهى الحفل بالنسبة لبنات العلوم والاداب اللي هم بنات البطة السودآ
وطبعاً اهم حدثثثث
انه في بنت من كليتنا القت شعر يجنننن ماشاء الله هز صوتها القاعة
شيئ فعلا افتخرت فيه
المهم انا قعدت اتحقرص اقول لصديقتي امي مقفلة جوالها ومادري ايش
قالت امشي خلي ندورها
طبعا حنا مانتبهنا للمدرجات وحنا نمشي فكنت ادخل مدرجات الاداب ويطردوننا منها المسؤولات
حقآات الاداب بطريقة أقل مايقال عنها همجية
بعدين صديقتي قالت حنا داخلين على مدرجات الاداب امشي خل نروح للعلوم
ورحنا للعلوم وش أقول يابنات قسم بالله بغيت أخم موظفات العلوم
مرة مرة يجنننون
يوم شافتني وانا بدمعتي وبراطمي لتحت وصديقتي تهديني قالت لي انتي علوم ؟
قلت ايه قالت ادخلي ودوريها , قلت عادي ؟ قالت ايييه التخرج ماهو تخرجهم لحالهم حتى انتو
ادخلي وشوفي امك وينها
اول ماحطيت رجلي شفت امي وانفكت حنفيتي اللي من الصبح ماسكتها
وانا اقولها ويننننك وانا اصيح
والعالم تطالع
المهم سلمت ع امي وقالت حقة العلوم تبين تقعدين جنبها اقعدي
وفجأة صديقتي تصرخ لقت امها بعد
وسلمنا على بعض وتعارفو امهاتنا
وبعدين قعدنا سوالف سوآ
ونسينا الحفل
ماتذكرناه الا يوم قالو خلصنا
دقيت على ابوي ورجعنا للبيت
طبعاً ماوزعوا ولا عطونا شي كذكرى انه تخرجك
-
مايستفاد من حفل أمس :
1 - لا تجين بجوال كاميرآ
2- امن العلوم اطيب واجمل الامن بشهادة الجميع وكانو يدخلون اخوات الخريجآت بدون بطايق
3- الامن الرجآل وقحين
ماعدآ حق العلوم اللي يعطيك ظهره
* ترآ كنت لابسة عباتي الراس وقفازآات وشرابات <<~ لاحد ياخذ فكرة غلط
4- العلوم امس كآنو اجمل شيئ
صح هاجدآات بس الفيزياء كانو متحمسسات
ونسأل عن بعض وعن البنات اللي ماجو وندق عليهم ونمدح اشكال بعض لانه فعلاً كنا متغيرات
عن جو الدراسة
الشعر والمكياج والقبعات والفساتين
5- تخرج في كليتنا ابرك من القاعة الخضراء
6- ليتني متبطحة في بيتنا ابرك
ووبس
التعديل الأخير تم بواسطة كبرياء جرح ; 2012- 5- 10 الساعة
05:25 PM
كبرياء جرح
مشاهدة ملفه الشخصي
البحث عن المشاركات التي كتبها كبرياء جرح
بيانات الاتصال لـ »
كبرياء جرح
بيانات الاتصال
لا توجد بيانات للاتصال
اخر مواضيع »
كبرياء جرح
المواضيع
لا توجد مواضيع
الأوسمة والجوائز لـ »
كبرياء جرح
الأوسمة والجوائز
لا توجد أوسمة