قلي بربك يابعد عمر مغـــــــــــليك
وشلون خنت اللي محرم يخونك
وشلون هانت رجوتي يوم انا ارجيك
وشلون هانت دمعتي في عيونك
وشلون بعت اللي بها الناس شاريك
قلي علامك بعت ناس(ن)يبونك
قلي بربك دامني بصدق هاويـــــك
وشلون بحيا باقي العمر دونك
قلي بربك حالي اليوم يرضيــــك
طايح جريح من سبايب طعونك
طايح جريح انتخيبك واناديـــك
ودي تقول ابشر حبيبي ياعونك
وأثرك تقول ابعد انا اليوم مابيك
وتروح وتتركني بلحظه جنونك
وقف قبل لاتروحربي يخليـــك
دامك رفضت احيا حياتي بكونك
ارجوك قبري تحفرة اليوم بيديك
يحرم علي العيش يازين دونك