|
إلى متى يا جامعة فيصل والله تعبنا ...
السلام عليكم
واسعد الله اوقاتكم بكل خير
اتمنى المشرفين ما يسكرون موضوعي او يحذفونه لانهم هم احد الناس الي يعانون معنا من منهجية الجامعة الغير صادقة مع طلابها، ومنسوبي الادارة في الجامعة لوهم احد الطلاب كان كلامهم نفس كلامنا..
الان تقفل النظام المصاحب للبلاك بورد ويوم الاثنين راح يقفل البلاك بورد يرصدون الدرجات
جامعة فيصل هل انتي على قدر من الاهتمام بطلابك او ( بس كلام )
الى متى نعاني من هـ المواقع وتنزيل المحاضرات الي يجيب لنا الهم والغم
واحد يقولي افضل وقت لتنزيل المحاضرات الفجر هههههههه الفجر انا اتجهز لدوام.
انا انسان منتسب يعني لا يوجد لدي الوقت الكافي لمتابعة البلاك بورد متى اقدر انزل محاضرات او لا والزحمه تسبب لنا بط شديد في التحميل معا العلم ( اشتراكي في الانترنت عشره ميقا ) يعني اكثر من ممتاز ولكن حيل الله اقوى ...
المحاضرات تكون احجامها 160 ميجا... ومعا بط الموقع تصير كأنها 600 ميجا وزحمه الناس الي تسوي تحميل تصير كنها مليون ميجا ... ربي كثر من هـ البرامج الي تضغط الملفات وبصيغ اخرء ولكن بأقل من السعة الي تسبب حمل على الموقع... من الطبيعي ان الجامعة لديها متخصصين في الكمبيوتر ولديهم شهادات جامعية لماذا لم يصممو اشياء ابسط واريح لنا تساعد الطالب طبعاً مو بلاش الله يصلحكم يا منسوبين الجامعة ( قاعدين ندفع دراهم )
يعني على قولتهم ماني طالب منك شي ببلاش.
حطيتو لنا موقع ثاني نقدر نحل منه الواجبات نقولكم شكراً لكم وماقصرتو وجزاكم الله خير بس حتى الموقع الجديد فيه مشكله تحل لك مشاركة شوي الا عطاك خطاء في النظام.
تمنيت انه فيه ايكونه صغيره تقول عند حدوث اي مشكله الرجاء مراسلتنا يعني على طول اعطيك المشكله وانت تشتغل على حلها ونكمل شغلنا واحنا مرتاحين
بس الظاهر والله العالم ما احد مراعي الطلاب ولا احد مهتم ما غير يزعجونك الرجاء السداد والى منك سددت قالو تبي تدرس والا توكل على الله...
طبعاً الدراسة والمناهج ما اتكلم عليها نهائياً لاني ما جيت الا ادرس وابي الشهادة
بس طلبي الوحيد و اتوقع الكل يوافقني فيه نبي موقع ممتاز يخدمنا بكل سلاسة
مانبي نقعد نسب في هـ البلاك بورد والله يا الذنوب علينا كثيرة منه... الله يغفر لنا
فيني حره يوم شفت انهم بيسكرون الموقع يوم الاثنين قلت اطفي حرتي...
كل الود
|