المشاركة الأصلية كتبت بواسطة Rabbit

كتبت رد قبل شوي ولقيت الموضوع اغلق اللي كنت بنزل فيه الرد .
وهذا ردي اللي كتبته في الموضوع حق الدكتور مصلح اتمنى من الله يقراه بنفسه .


والله عمري ماكتبتها بس دام الامور وصلت لكذا بكتبها .
دكتور مصلح هل تبغاني اقول عسى اللي فيني فيك ونشوف تقدر تشارك وتكون فعال بالطريقة اللي انت تبغاها ! ونشوف وقتها ايش شعورك لما تقول لك الجامعة اللي بالخارج على قولتك ( مو شغلي ) وماني مسؤول عنكم او اشغلتونا ! او يكلمك المسؤول عنك فيها كإنها جامعة ابوه !
حاب ادعي الله انه يوريك يعني ايش معاناة تغير الدم بشكل شهري ! حاب تشوف طعم الالم بالليل والصباح يا دكتور ! حاب افهمك اشياء بكلامك هذا واضح انك تجهلها كثير .
يا اخي لمتى تعلمونا الشيء اللي انتم تفتقدونه !يا اخي ذبحتونا في الكتب حقتكم مثاليات فاضية انتم بنفسكم ماتطبقونها
يازينكم في الكلام بس اصحاب الاحتياجات الخاصة له وضع خاص ومعاملة خاصة وتقدير خاص ولازم نظرة المجتمع له تكون نظرة سوية ويتم معاملته معامة خاصة جدا ويكون فيه تقدير له وله وله وله وله
لكن عملياً تطبيقكم صفر وتعاملكم مع الجميع هنا غير انساني . مافيه اي تقدير للوضع حق الطلاب . انا اشبه كلامك بالمدرسة التربوية اللي كانت تشوف وتعتبر اصحاب الاحتياجات الخاصة لعنه ويحب رميهم وقتلهم .
يا اخي قدر ان اعمارنا يمكن بعمرك وقدر انه فيه طلاب كثير اشوفهم في مراكز الاختبار على الكرسي المتحرك وفيه طلاب صم وفيه طلاب يجيبون لهم في مركز الاختبار مخدة يجلسون عليها لان الحديد كاسيهم من الاسفل وفيه طلاب عايشين على المضادات والمسكنات .
يا دكتور كلامك يوضح انك المفروض ماتكون مسؤول عنا ففاقد الشيء لا يعطيه انت تبغى طلاب منتظمين ماله اي عذر في كل اللي تعملونه وتتكلم عليهم وتمارس سطوتك عليهم لكن احنا اغلبنا اصحاب احتياجات خاصة صحيح فيه طلاب عاديين بس يا اخي مو الكل كذا !وحتى هم وراهم مشاغل كثير بين زوج يتلكك عشان يخلي زوجته تترك الدراسة وبين اولاد وبين عمل وبين ظروف صحية واسرية ووووووووووو .
انا في الاختبارات ذي وربي العالم ايش الزفت اللي احقن نفسي فيه عشان اقدر اقوم على حيلي واجي اختبر . وفي المقابل نشوف كلامك هذا اي حقوق انسان تعترف فيها يا دكتور وتعلمتها .
كنت اتمنى يكون الرد في الموضوع ذاك لكن للاسف تم اغلاقه