يا هلا ويا مسهلا

بسم الله الرحمن الرحيم

السلام عليكم جميعاً ...

اول شي : اللي جالس يعاتب الطالب اللي ماحل واجباته ومناقشاته
احب اقوله ناظر يدينك زين لو حصلت كل اصبع نفس طول الثاني تعال تكلم


وش عرفك بظروفه وش عرفك بوضعه وش هالاسلوب الي تكلم فيه زميلك ؟

والنجار .... ماشاءالله كلامه يحفز الطلاب يدرسون
ماني مستحيه منكم

انا ظروفي صعبه خلوني اشرح لكم وضعي يمكن تتفهمون وضع ارجال
انا موظفه و اداوم 6 يام بالاسبوع ودوامي شفتين ومكان عملي بعيد
عن سكني نص ساعه ومع الزجمه ساعه الا ربع
شوفو كم ر رايحه جايه 4 مرات وكل مره نص ساعه .. وطبعاً غير ضغط العمل
والمدير ومشاكلك الشخصية وظروفك الماديه .. ويوم اجازه يوم واحد
هو برتاح فيه ولا بسوي اشغالي ولا بشو ف دراستي ولا بشوف اهلي
اللي كني مو عايشه معهم وكني بفندق ..

اشتغلت عشان اسدد رسوم دراستي مع اني خريجة كلية تخصص حاسب..

لكن حبي للدراسة وتعلم اللغة الانجليزية هو سبب التحاقي للجامعة
ولو ادري ان الحال معهم كذا وربي مادخلت .. مجبوره اكمل مشوار بديت فيه ..

يعني بالله عليكم اعاني كل هالمعاناة عشان ادرس وادفع للجامعة
وهم بكل بساطة يلعبون بالانظمة وتروح درجاتنا على حسابهم؟؟؟؟!!!!!!

ليش يزعجونا بدفع الرسوم
ليش يومي تأخرت بالدفع يومين او مدري كم بالضبط قفلوه علي؟
ليش انا اكافح عشان احصل رد من النجار بالطريقة هذي؟

انا الحين يوم قربت الاختبارات STC فصلت النت علينا
وش الحجه؟ نعمل صيانه للحي .. وكل شوي لهم كلمه

وانجبرت اخذ كنكت عشان ادخل واذاكر..

بذمتكم من وين بنلاقيها يعني؟

مالكم بالطويله


بسسسسسس احترموا ظروف غيركم
وبلاش وينك من بداية السمستر ...؟

كل واحد فيكم وله ظروفه وله التزامات
على اي اساس تجي وتحاسب شخص ماتدري وش وضعه..؟


وياليت كل واحد / وحده
يفكر بغيره ويلتمس له العذر قبل يحكم عليه بسوء نيه ومن غير حق


بقلبي وربي كلام لكن مو وقته


يارب نعدي على خير ويجي المستوى الرابع بأذن الله لا احشرهم من بداية السمستر


استرو على ما واجهتوا

بس انا جداً متعاطفه مع وضع هالطالب

حسبي ربكم وربي