المشاركة الأصلية كتبت بواسطة محمدويه

أعذريني ي صاحبة الموضوع

أعذروني في وجهة نظري

أنا ماني شيخ ولا مفتي ولا عالم

أنا شخص مثلي مثل غيري من الناس ولد 9 شهور وعايش مثلي مثل اي مواطن مستفل

لكن عن مسألة الغش والكلام اللي قلتيه بقولك شي

وطبعا قلت لكم قبل ماابدا في كلامي إني ماني عالم ولا شيخ ولا مفتي

أنا من وجهة نظري إن مسألة الغش في الإختبارات شي عادي لأنها مايترتب عليها ضرر لأي مسلم

يعني وبعدين ترى ماجات على أسئلة تسربت

واللي يقول الاسئله اللي تسربت ماجاء منها في الاختبار أحب اقوله

إني حليت من السؤال الاول للأخير من نفس النموذج اللي تسرب ماعدا كم سؤال ماكانت مصورة في النموذج

والحمدلله مطابق له والباقي حلتيه من اجتهادي الشخصي في المذاكرة

أما عن غش وحرام وماتخافون الله إحنا نخاف الله قبل نخاف من خلقه ولله الحمد

لكن لمن اغش في شي يفيدني ومايضر أي مسلم ولا يضر أي شخص مايترتب علي أي شي

واذا بتشوفون الغش وبتجادلون فيه وبتفتحون ابواب نقاش

شوفوا الغش اللي يصير في كل شبر في أماكن كثير

غش تجاري غش صناعي غش بشري غش إعلامي غش غذائي

وذي اللي يترتب عليها ضرر للغير وحرام ومايجوز ولازم يخافون الله

انا لمن جاتني الاسئله والله ماترددت ثانية إني احفظها مثل إسمي مع إنها جات متأخرة

والحمدلله عشان مايلحقون يغيرونها

لكن مالك حق بالكلام ذا أنا لمن حفظت النموذج وحليت ماضريتك ولا ضريت أي أحد في الدنيا

لاتقولين لي شخص يجتهد ويحل وانت بالغش تصير درجاتك مثل درجاته

كل واحد وله طريقته في تحصيل درجاته هو مايبي يغش الله يقويه انا شخص ماني دافور مثله بالحيل

مع إني الحمدلله المنهج ختمته قبل ينزل النموذج

بس في نفس الوقت عصفور في اليد ولا 10 عالشجرة

وإن لم تكن ذئبا اكلتك الذئاب

ماراح يفيدني شي لو طنشت النموذج وحملت المادة واخذت صفر على قولك

بالعكس ضريت نفسي ومااحد درى عني ولا احد تضرر يوم غشيت

عشان كذا أقولك غش الإختبارات والأسئله والحكي ذا ترى مافيه اي ضرر لأي شخص

احنا مااحنا في إبتدائيه اغش عشان اخذ المركز الأول هنا رغم إن الضرر تافه لكن فيه ضرر يمكن تأثم عليه

لكن احنا في الجامعه نمشي بالنسب ولا احد يدور مركز اول ولا ثاني اهم شي مانحمل المادة ونجيب نسبة زينه

وعموما لو تخرجنا من إدارة الأعمال حالنا ماراح يتغير ولا راح نصنع صواريخ ولا راح نكتشف كواكب جديدة

حالنا هو هو بس اسم شهادة معلقة في وسط الصالة برستيج

تخرجوا قبلنا دفعات ودفعات وحالهم هو هو

يعني لاتدققين عشان ماتتعبين واذا انتي تشوفين ذا غش ومايجوز

احصني نفسك وماعليك الدنيا بتمشي

والجدال والنقاش غالبا بدون حلف ماراح يغير احد

لأن الكلام ذا مليان في المنتديات وفي الكتب وفي كل مكان

لكن انا عندي عقل

والله بالعين ماشفناه بالعقل عرفناه

وأعرف إني غشيت في اختبار وماضريت احد يعني ان شاء الله ماعلي ذنب وذا علمه عند الله ماادري عنه

وانا كلامي كثير ومااخلص بس عاد اكتفي باللي كتبته .