المشاركة الأصلية كتبت بواسطة أبو مروآن

نامووووو ناموووو

ايه الحين تقل زان معاي

عقب ماكانو بكل محاضرة يغصون

الحين صجو راسي يقرقرون >< ماعرفنا لك

المهم بتربع بقول لتس وش صار علي اليوم على طاري المحاسبة

هذا طآل عمرتس قبل امس اختبار مهارات الاتصال لما رحت الاختبار مسوي الولد التكلنوجي فاتح الخرائط بالايفون

وطاقن آسم المدرسة واتابع الحواري وابتعد عن الطرق الرئيسية علشان الزحمة
المهم وصلت بكل ثقة بدري

لكن امس عقب مارفعتو فيني بالموضوع قلت بس آلحين بسوي ميزانية دول واحل اقتصاد
اوروبا واطقهم من هالقيود لين

يحطون فرنسا بأسمي

طلعت من بيتي متوكل على الله وماسك الايفون وخرائط مريت مكتبة شريت الالة حاسبة

محاتسيك نسى الايفون بالمكتبة ومشيت طبعاً بالصدفة مريت هالمكتبة

الا والله فقدت الايفون ادور اوقف بنص الشارع من هنا من هنا قلت بس بالمكتبة

رجعت ادور الشارع اللي عليه المكتبة الا والله تقل أحدن داعي علي وانا قلتها فيه وحدتن

شينه تبي تدعي علي أو انكم ماسميتو قبل تفتحون موضوعي

وانا ابلش المشكلة اخبر المدرسة وين بأي حارة لكن وين بالضبط انعميت

مارحمت الا سيارتي والاشارات رايح جاي قلت تعوض الله على الايفون بلحق اختباري

ماوصلت الا ريتسي ناشف الساعة تشير إلى 7 ونصف وسباق مارثون من المواقف واللجنة

بالدور الثالث حالتي حاله حسبي الله على من تسبب بي كذا وتوبة آسوي لكم مواضيع أو اتفلسف

واللي زادها فتحت الاسئلة ونفس الشي بعض اسئلة مذاكرها لكن ضيعت الاجابة

يعني اللي ينجح الله لايهينه الدروس الخصوصية مافيه شي ببلاش

اخر من طلع أنا ولا المراقب طلع ويالله لحقته وسلمته

عقبها انكشف الغشاء عني ولقيت المكتبة والسوداني امين ماشاء الله عليه ماجحدني

والحمد لله على السلامة لو تقدمون عروض يوازي عرض مدرب برشلونة ماوافقت على

تدرسيكم مرة ثانية