يعطيك العافيه على الكوسشن
اشياء كثير ماعجبتني اولها ان الطلاب اغلبهم .,,,,,,,, ماقدر اقول الكلمه هي وصف
وبعد انو مافيه نظام
مثال على التدخين
والله ازعجونا بالتتن حسبي الله بس وش اقول
اطلع من الكلية حقتي دخان
بالمواقف دخان
كل انحاء الجامعه دخان
وشو بخور هو
وين النظام وين الامن عنهم الدنيا سايبه
وبرضو المواقف
اوكي المواقف زحمه الحق علي ماجيت بدري
لكن يجي واحد يوقف قدامي ومايخليني اطلع وش هالكلام والله مهزله ماصارت جامعه
وبرضو الهنود اللي يغسلون السيارات والله في قمة الازعاج
كل وقت موجودين وبكثرة
وبمجرد اني اوصل بلبق الموتر يجون هجيج يضايقون الواحد طيب ياخي خلني اوقف وش تبي مني استناني انزل من موتري
المشكله انه بعض الاحيان يأخروني عن المحاضرة يعني وصلت متوخر واخاف الدكتور يسجلني غياب
والمواقف بعيده عن الكليه
وهذا الهندي يناقشني غصب يغسل السياره ياخي وشعليك منها وصخه
برضو بخصوص المواقف حق السيارات بعيده
ليه نمشي هالمسافه ياخي وش هالقلق
وفيه طلاب عندهم واسطات يدخل عند الكليه ويوقف حاله من حال الدكاتره سلامات واحنا؟؟
طبعا في نقطة بوضحها المواقف اللي جنب الكليه ماحد يدخلها الا الدكاتره والطلاب ممنوع يدخلون ومواقفهم بعيده
طبعا اتكلم عن كلية الآداب فقط اما الكليات الثاني مدري عنها
بخصوص الاشياء اللي عجبتني انو الوضع مختلف تماما عن المدرسه
انا من زمان مو عاجبني معاملة المدرسه ابدا ويعاملون الواحد كأنه طفل يزمرون عليه او حتى يضربونه
من اولى ابتدائي الى ثالث ثانوي معامله زي الزفت وين اخلاق الاسلام ولا خلاص نسينا ؟؟
يعني الجامعه عجبتني في الاجازات المرضيه يعني مفاهمتك مع الدكتور وعذر بسيط يتفهم الموقف بعقليه واحترام وود
اتذكر يوم الاثنين قال واحد من القاعه للدكتور ترى فلان ماجا لان بيتهم بالدمام وكان ضباب بالخط
قال ماعليه خير خله يجي بعد الاجازه واتفاهم
ياسلام وين الجامعه وين المدرسه
الجامعة قمة التفاهم
وكذلك الاشياء اللي عاجبتني العياده
وجودها مطمئن جدا
ويعطيك العافيه هياوي