أبو فهد ...... تسمح لي أسألك سؤال؟؟؟
ليه مصعب الموضوع على نفسك ومحطم نفسك ؟؟؟ ومتخيل أنك ماراح تفهم وبعد تقول عطوني اي شيء...!!
إذا تبي أي شيء ليه دارس؟؟؟
ما أعتقد أنك أنهيت الثانوية سواء كان علمي وشرعي إلا ودرست انجليزي وش فرق؟؟؟ تدري هذا هو نفس منهج الثانوي بس مجموع كله يعني أنت أصلاً دارسه ومنتهي منه
اسمعني وأنا أخوك مايحك ظفرك مثل جلد وباقي معك وقت أبيك بدل ماتضيع وقتك تدور فتات أوراق وأي واحد يحسن عليك بمعلومة وتشتت زيادة فوق تشتت ذهنك
يظهر لي اختبارك الخميس... يعني قدامك اليوم الثلاثاء بطوله وبكرة الأربعاء بعرضه والخميس نصفه
اليوم الثلاثاء حاول تخلص لي أول 6 محاضرات وبكرة الأربعاء خلص لي 6 محاضرات ثانية والخميس ذاكر المحاضرة 14 مع الأسئلة الموجودة بس حاااااااااااااااول تفهم لاتحفظ
وأضمن لك تنجح فوق 70 بإذن الله تعالى مو بس بدور درجة النجاح
حط في بالك من يتهيب صعود الجبال يعيش أبد الدهر يدور أحد يحن عليه من الدوافير... بهاليومين تقدر تصير دافور لو أنت بغيت من داخلك
تحملني ولا تاخذ بخاطرك مني بس ماهان علي أطلع من الموضوع ما أكتب لك شيء وإذا تحب تجيني في البيت أبشر بسعدك تعال وأشرح لك الي تبي بس ذااااااااااااااااااااااااااااااااااااااااااااكر الله يرحم وااااااااااااالديك ذاكر وحلل الفلوس الي دفعتها
حرام ياخذون فلوسكم ولا تستفيدون ....
تحياتي للجميع