السلام عليكم خينا انيس ..

اليوم حلمت .. وكأن بنت اخوي جالسه على كرسي ويزينونها في مكان غريب .. وخلصت زينتها وجا دوري وقالو لي اجلس ع الكرسي يزينوني .. لكني كنت متردده بعدين قلت أوكي بس بروح اغسل وجهي قبل ..
طلعت بروح لدورة المياه .. لقيت الارض فيها حفرة طوييييله بالعرض يعني قاسمه الارض الى جهتين .. وكنت بعبر للجهه الثانيه .. وكان في اكثر من جسر فوق هالحفرة كل جسر عليه رقم لكني اخترت الرقم 6 وصرت ادور الجسر اللي بهالرقم لقيت 3 جسور بهالرقم ..

المهم عبرت على واحد منهم ورحت لدورة المياه فتحت الباب لقيت الحمام فيه مرحاضين تكرم .. واحد بعيد في اخر الحمام وجنبه الصابون اللي بغسل وجهي فيه .. وواحد تحت الباب مباشرة ..
وكأن عتبه باب الحمام رفيعه جدا يعني صاير الحمام منخفض لدرجه اني مو عارفه انزل ..

بغيت انزل بس شفت المرحاض اللي تحتي قذر وقلت بسحب السيفون اول بعدين بنزل .. ولما سحبته فوضت القذاره وصعدت مع الماي حتى لمست عبايتي .. حاولت اوخر لكن عبايتي متعلقه بالباب وما قدرت .. الى ان فوضت أكثر وبغت توصل وجهي .. لكني صحيت على طول مفزوعه ..


ان شاء الله يكون خير ..

ويعطيك العافيه مفسرنا الغالي ..