باختصار المادة دسمة يبى لها دراسة
درست من الليل الى وقت الاختبار ولا خلصت
رحت الاختبار باقي فيه اشياء عديتها بسرعة عشان الحق
وانا رايح الاختبار ندمت اني اخذت المادة
قلت بتضيع علي المعدل ع الفاضي
دخلت الاختبار واتفاجئ بحاجتين
1- انا درست من ملخصات واسئلة ما اذكر اي اسئلة يمكن اسئلة المعتقل والله ما اذكر
المهم تفاجئت إن تقريبا 90% من الاسئلة نسخ لصق
2- لما خلصت الاجابة وانا ادعي للدكتور المحبوب (اسم على مسمى)
انتبهت لشيء مهم جدا
إن الاجوبة مرتبة بطريقة معينة (ما اذكر الترتيب)
لكن مليون في المية كانت مرتبة
حسيت عندي اجابات انا كنت متأكد منها بس ما هي جايه مع الترتيب
راجعتها وتأكدت من وحده كانت في البداية واكتشفت اني كنت غلطان
الباقي عدلتها على الترتيب مع اني غير مقتنع في بعض التعديلات
طبعا الاجابات اللي كانت غير مرتبة عندي ما تتجاوز 5
عشان كذا كان الترتيب مرة واضح بالنسبة لي
وقررت اني اعدل كل الاجابات واسوي لها alignment
مع ترتيب الدكتور
نتيجة الإختبار:
100%
ولله الحمد والشكر...وللدكتور خالص الحب والدعاء
لكن هل الدكتور راح يرتب الاجابات مرة ثانية..؟
الله أعلم
لكن الأكيد لو كان فيه ترتيب ما راح يظهر الا للي عنده اخطاء قليلة
نصيحتي ادرسوا وشدوا حيلكم لأن المادة دسمة تشبه النثر الى حد ما
وفي نفس الوقت ثقوا تمام الثقة في إن الدكتور المحبوب إسم على مسمى
والله يوفقكم