هذه القصيدة قبل الاختبار وشكراً
سقى الله زمان فاتني مع غزير الزين = يا ليت البشر ما فات منهم يردونه
يعل كل ما فاتك من الوقت زين وشين = رجوعه عليك اصعب من السيل لمزونه
انا حد علمي بالغلا يوم طبعه زين = قبل لايطيع الي عن الحب ينهونه
سمع سالفتهم وش ورى الحب وش بعدين = ومن يومها يا قل ما القى تلفونه
أجي وافتح الـ Miss call يامال فرقى العين = ولا أشوف رقمه جعل الارقام يفدونه
أخيل الجهاز اقول بيتصل هالحين = وأثره اقتنع في فكرة جته مجنونه
من العاذل الي شغلته تفرغة قلبين = أنا اوحيت قبلي واجد الي يسبونه
عذول المحبه جعل شرواه يعطى الشين = حرمني من الي رغبتي فيه مرهونه
تغير علي وأذا أتصل وما سمعت أهلين = أخذ ثقل جعل مغيره تثقل ديونه
مثل ما ثقل ديني من مقاصد التموين = هاك يا البنك الاقشرجعلكم ما تمرونه
ذبحني غلاه وحط وسط الحشى جرحين = الاول من الصده والاخر من ظنونه
وانا من هذاك اليوم ومعايد الثنتين = يا صعب الوصال وصدة عنه ملعونه
تمكن غلاه بوسط قلبي بعام الفين = ومن يومها والحب يكبر على هونه
ويقولون خله يا معود وأقول انزين = ابي فكة منهم وانا اموت بعيونه
هذاك ان ضحكلي رحت كلي ولا ادري وين = وكم واحد قد راح لعيون مظنونه
وهذاك ان طرالي كنه يقصني نصين = معاه نص وابقى نص ما أعيش من دونه
وهذاك ان طلع رقمه وانا مشغل الخطين = يروحون فدوة لنمرته وتلفونه
عسى يرده الي رد ركان ابن حثلين = من الترك لدياره وللي يتحرونه
هذاك الرجى عقب البطى ناذر نذرين = ابسامحه واني مع الوقت ما اخونه