يانجوري يابعد قلبي احد مزعلك يوم انك تبهذلنا ذا البهذله !!؟.
اقسم بالله صارت حرب نفسيه مب جامعه.، جالس ومروق اذاكر اقتصاد طالب كباب وبالماريه مسوين عرض يجي مع شوربه دجاج و مبسوط الا الجوال يعطيني ذي الرساله .. عاد يازين نغمة الرسايل فزيت قلت بس تم ايداع الراتب ولا شيء الا هالرساله التاليه ..
الاسم : مقرود بن منحوس
الرقم : 0 وين مارحت
مركز الاختبار مركز شمال الرياض 3 طلاب
نظرا لما حصل في اختبار مقرر مبادىء المحاسبة (2)
فقد قررت الجامعة وفقا للأنظمة والتعليمات إعادة اختبار هذا المقرر لكم وذلك
يوم الأربعاء
2-7-1433هـ
الموافق 23-5-2012م
في الوقت المحدد لذلك وهو
الفترة الأولى من الساعة 4.30 إلى الساعة 6.30 مساء
نأمل مراعاة ذلك والحضور في التاريخ والوقت المحدد
www.kfu.edu.sa
طبعا قفلت وكملت الكباب ورجعت اشوف الرساله واعطيها بتسوه سكرت المذكره حقت الاقتصاد وقلت ابوها ابوكم ابو ابوكم جامعه .
سلبيات القرار
1- انسدت نفسي عن المذاكره
2- الاختبار بيجي صعب 100 بالميه
3- ماشربت الشوربه
4- مكملت الكبابا
طبعا منيب صاير ممل واقولكم وش رايكم بالقرار لان 99 بالميه منكم غير مؤيد ! ولاكن اقولكم هونوها وتهون. ويامالنا ومالكم
ومضعه
شكرا. للشخص اللي حمل لي 3 مواد جعله هو. و اهله بالجنه