المشاركة الأصلية كتبت بواسطة جاك سبارو

أستغرب من بعض الردود صراحه وألقى تناقض عجيب إما في الشخص أو في طريقة تفكيره ..!!
أخوي أبغى أتعلم كيف تعمم تقصيرك ودرجاتك المنخفظة على الجميع وتقول شرح الدكتور ممتاز ودرجاتك 72 وبنفس الوقت مقصر وماتذاكر وتقول الغلط مننا < مننا مو منك أنت ..!!

يعني هل من المنطق تعمم درجتك وعدم إهتمامك على الناس كلهم وتقولها بكل أريحيه وكأنك عارف وش مستواي ووش مستوى غيري وخلاص أنت مو فالح في الإحصاء ولا غيرهـا يعني العالم كلهم مثلك ..!!


شي غريب فعلاً ..أنا معدلي فوق طموحك ودرجتك اللي إنت جبتها ماعمري جبتها في درجه علمية فكيف يكون مستواك هابط ودرجاتك متدنية وتعمم وجهة نظرك ..!!

يعني عشان نكون واضحين أكثر وش السبب المقنع اللي خلاك تقول كلامك هذا وووش السبب المقنع اللي يجبرنـا نقتنع في كلامك ونشوفه صحيح ..!!

يعني لا تذاكر ولا تجيب درجة زينة وغير مبالي في مستواك التحصيلي وتبينـا فعلاً نتأكد إن كلامك صحيح ..؟

من الواجب علينا لما نعمم أو نطلق أسباب معينة لازم إن حنا نكون مقنعين وعندنا أسبابنا الخاصه اللي نقدر ندافع فيهـا عن القرار اللي إتخذناه ...

يعني لو قايل لي إنك جايب في كل المواد ممتاز أو فالح في شي وربي ماكان كتبت هالرد والناس مستويات ..

لكن عشانك جايب 72 وماتذاكر وغير مهتم بس التقصير منا كلنا مو منك ..!! لا تعليق صراحه ..