|
رد: مناقشة وشرح جميع محاضرات الاداره الماليه من 1 الى 14
طيب نتكلم عن قائمة الدخل وزي ما قلنا من الاسم الدخل يعني الارباح شلو نستخرجها
خلونا ناخذ مثال بسيط مثلا عندك شركه تبيع بصل ههههههههه لا لا تبيع ادوات منزليه
عندها بضاعه باعت البضاعه المبلغ اللي باعت دخل على الشركه من هالعمليه يسموه الربح الاجمالي جميل وهذا اول نوع من الارباح
بس االشركه عشان تبيع الاواني يبي لها وسائل نقل ومخازن وعماله ولما نستخرج كل ما تم صرفه في هالامور ويسمونها المصروفات التشغيليه يقل الربح ويسمونه هنا الربح التشغيلي وهذا النوع الثاني من الربح جميل
طبعا وانت توزع البضاعه ممكن تشترط توصيل البضاعه بمبلغ تدفعه الشركه اللي اشترت البضاعه وهنا يعتبر لك دخل او ايراد وممكن الشر كه اللي اشترت تقول بناخذ البضاعه مقابل مبلغ وهنا يكون خصم على شركة الادوات المنزليه ويعتبر من المصروفات الاخرى فهنا وش نسوي نجمع الايرادات ونخصم المصروفات من الربح التشغيلي ويتكون عندنا ربح اقل طبعا نسميه صافي الربح قبل الفوائد والضرائب وهذا النوع الثالث من الارباح جميل
طبعا ممكن شركة الادوات المنزليه ماخذه قرض بنكي عشان توزع والقروض لها فوائد فلما ترجع المبلغ لازم تخصم الفوائد من صافي الربح الثالث ويطلع عندنا صافي الربح قبل الضريبه وهذا النوع الرابع جميل
الضرائب تبع البضائع اللي ممكن تكون من الخارج مستورده او ضرائب بضايع اخرى تخصم من الربح الرابع وفي الاخير يطلع لنا النوع الخامس من الارباح اللي هو صااااافي الربح
وهذا هو جدول قائمة الدخل في كل المنشات
جميل
|