نصيحة لوجه الله سبحانه وتعالى
لا تتركي جامعتك ... انتي الان قطعتي مشوار كبير مستوى رابع ... يعني بعد كم شهر بتكوني مستوى سادس ... حرااام تبدي من جديد ... وبعدين انتي انتهيتي من الصعب واللي باقي يعتبر سهل مقارنة باللي راح ... و بتتركي جامعتك و تبدي من جديد ... ولا تنسي ان وضعك السنة هذي غير السنة الجاية ... لأنه كل ما مشى عمرك سنه زادت التزاماتك و تصعبت ظروفك و تكثر مسؤلياتك ... و الاهم تخف رغبتك بالدراسة و لا تقدري تدرسي الا بضغط و عزيمة و اصرار ... والخوف كل الخوف يكون اختيارك انك تتركي الدراسة ... مثل احساسك الان ... اللي حسيتيه بعد 4 مستويات ... و ساعتها ما ينفع الندم ... اذا عندك عزيمة و اصرار اثبتي الشي هذا على ارض الواقع ... بتكملة المشوار اللي بديتيه ... و خصوصا ان اللي باقي لك اهون و اقل من اللي راح ... والاهم ان الانتظام يعطي حماس و دافع للدراسة يعني بالمختصر جو دراسة ... و بإمكانك بعد ما تخلصي ان شاء الله تدرسي ادارة اعمال ... لكن بتكوني تدرسيها وانتي مرتاحة لأن معك شهادتك و تنتظري وظيفتك و بدل ماتروح سنه والا سنتين انتظار تكوني بديتي بإدارة الاعمال و حتى لو توظفتي بامكانك تكملي .... و لاتنسي الواحد لو يسافر او يغير مكان نومه ... أول ليله مستحيل ينام بسهوله .... حتى لو نام في اوتيل فايف ستار ... بس التعود على شي يجعل من الصعوبه التعود على البديل حتى وان كان افضل ...
ردي طويل ادري ... لكن وربي رغبتي بالمصلحة لك , و لأني جربت الحاله اللي تمري فيها الان و طارت سنيني و بالنهاية لا طلت عنب اليمن و لا بلح الشام ... ووصلت لقناعة ان المطامر من مكان لمكان يدمر و يضيع الفرص ... و بالنهاية تأكدي السنين اللي بتضيع بتكون من عمرك انتي مو عمر غيرك ...