عرض مشاركة واحدة
  #1  
قديم 2012- 5- 18
الصورة الرمزية على هونك
على هونك
أكـاديـمـي ألـمـاسـي
بيانات الطالب:
الكلية: تہربيہه خہآصہه
الدراسة: انتساب
التخصص: أعہآقہه عہقلہيه
المستوى: المستوى الخامس
إحصائيات الموضوع:
المشاهدات: 3619
المشاركـات: 72
 
الملف الشخصي:
رقم العضوية : 68110
تاريخ التسجيل: Wed Jan 2011
العمر: 32
المشاركات: 1,403
الـجنــس : ذكــر
عدد الـنقـاط : 459
مؤشر المستوى: 49
على هونك is a glorious beacon of lightعلى هونك is a glorious beacon of lightعلى هونك is a glorious beacon of lightعلى هونك is a glorious beacon of lightعلى هونك is a glorious beacon of light
 الأوسمة و جوائز  بيانات الاتصال بالعضو  اخر مواضيع العضو
على هونك غير متواجد حالياً
Talking مكالمة الدكتور ، رهيب بس ناشف ونشف حلقي

قسسم نوكته

غولته لكم تغويل

وقعد يقولي مثل ماقال لـ الطالب انا حاط 350 سؤال

ويادكتور الماده صعبه وابي اعدي منها بس ابي اذا ذاكرت اسئلة العام اجيب درجة النجاح قال مقدر اعطيك يمكن الاسئلة الي عندك مو نفس العام قلت ماعليك نفسها ومتاكد

قال يعني مصوره الاسئله

قلت لا مو مصوره بس طلاب السمستر الى طاف كتبو تقريباً 65 سؤال من الي متذكرينه حتى الاسئلة الي كاتبينها مو نفس الاختبار نصاً تقريبي لسؤال الي جاهم

قال شكلك انت كسلان

وتوك صاحي من النوم بتكلمني وانتا نايم

قلت لا يادكتور افا عليك صاحي من الصبح ومصلي الجمعه ورحت لجدتي وسلمت عليها واصل رحم بعد

قال قلت لها تدعيلك قلت اكيد

ايه صح وقالي شسمك انت

المهم قال لي انت شكلك ماذاكرت قلت الا قريت الماده بس صعبه

وقالي نقطه يوم قلت له اذاكر اسئلة العام والكتاب

قال الكتاب مافيه اسئله اصلن من الي قالك واضح انك ماذاكرت حتى الكتاب ماشريته

قلت لا ذاكرت من المحتوى

قلت مدري فيه اسئله منزلينها ومن الكتاب ، قال لا هذا يمكن زملائك متعاونين ومسوين اسئله

يعني ترى مافيه اسئله بالكتاب الله يصلحكم

والمهم وكل شوي ارجع له يادكتور وتكفى بس ابي درجة النجاح الماده صعبه

قال يعني انت تبي تعدي وبس قلت اي والله ابي اعدي وبس قال شفت انك كسلان

قلت اصلن كل درجاتي مانزلت عن الثمانين شفت اني شاطر بس الماده هذي والله صعبه وابي اعدي بها

المهم وانا احشر به قالي خمسين بالميه

قلت هاه

خمسين بالميه من اسئلة العام قال لا مو من اسئلة العام قلت على وشو خمسين بالميـه

قال توكل على الله وان شاء الله تعدي

قلت دكتور قلي ابي اعدي بالماده اذا ذاكرت من اسئلة العام اعدي ولا لا

قال ان شاء الله

والله وانا ارتاح

بس قال لي انه مايقدر يفتي لي عن اسئلة العام يقول لآن حنا نسلم الجنه 350 سؤال ويختارون عشوائي

اييه هنا عاد قلت له يادكتور طيب انا شايف كل المواد الي اختبرنا فيهن اغلب الاسئلة نفس اسئلة العام يمكن يزود عشر اسئله نقول عشرين

قال يعني انت ادرى مني هذي مشكلتك

قلت يادكتور ماهي قصة مشكلتي انا اقولك وجهة نظري ب النسبه للآسئله الي جتني بالاختبارات ماقصدي انك تكذب

قال توكل على الله وسكر التلفون وذاكر

قلت يادكتور ابي اعدي تكفى اذاكر من اسئلة العام انجح

قال توكل على الله

المهم مالكم بالطويله انا ابي اعتمد ع اسئلة العام سوى جاء منها ولا ما جاء

والي يعتمد عليها وبكره بالاختبار يقوم يتلفت وتجي اسئله غير مالي شغل به لاتلوموني

قلت لكم محتوى المحادثه الي صارت بيني وبينه ، وانتم حللوها

موفقين