|
أكتب هنا آخر وصيه لك قبل الذهاب الى الاختبار !!!
السلام عليكم
طبعاً بعد أذن المشرفين خلونا شوي نفضفض
عاد صراحه الماده دسمه وصدمه وحسبي الله على عمادة القبول في الجامعه
ياليتهم ماقبلونا من البدايه كان الحين مسجلين في جامعه ثانيه
كان وقتها ممكن انا الحين بأختبار التخرج من الدكتوراه خخخخخخخخخخخخخخخخخخخ
لكن منهم لله 
عموماً ضحك علي خويي قرقور 
وقال ان الماده سهله
والظاهر حتى هو مضحوك عليه من المدرس المصري ( فتحي أبو الفتوح )
انا من شفت أسمه كذا وانا غاسل ايديني منه
أجل ابو الفتوح ويدرس اداره ماليه
هذا المفروض مدرس تاريخ ويخب عليه بعد
لكن هو قاله سهله عشان يروح الوقت كله سواليف وبعدين يوديه لأقرب مطعم بخاري وهاتك ياحبة دجاج مع الرز وبعدين ياخذ له شاهي أخضر والمصري يرطن ويقول دي الماده سهله آوي آوي وهو يلهم
وآخر شي يوديه لبيته ويعطيه حسابه وماستفاد أي شي
عموماً رساله أحب أقولها للجامعه وعدكم الترم الجاي ان شاء الله
فإذا مانجحت هالترم وربي والي خلقني أني الترم الجاي أذاكر زين  
عموماً بعد الاختبار اذا ماجيت للمنتدى بعد ساعتين من الاختبار ممكن ادارة المنتدى تتصرف في معرفي وخلاص تستلم العهده .gif "(177)")
والى لقاء قريب
ومع السلام عليكم
التعديل الأخير تم بواسطة المنفذ ; 2012- 5- 19 الساعة 05:22 PM
|