السلام عليكم
يوم الخميس بعد اختبار مادة ادارة اعمال دولية الساعه 5:00 اتجهت الى مبنى التعليم عن بعد
وقابلت الدكتور عبدالله النجار وكلمته بخصوص اختبار نقود وبنوك وصار النقاش التالي
سئلته عن اختبار نقود وبنوك وعن الي صار بسئلة الاختبار وقلت له انه صار فيه اسئله من بره السلايتات واشياء ماشرحها وقوانين مو معنا بالسلايتات وكان رده كالتالي
قال انه لقد تمت مراجعة الاختبار مع بعض الطلابه وعددهم 5 طلاب وبحضور دكتور المادة
وتوصلو الى انه الاختبار كان كله موجود بالكتاب ولا فيه شي من بره المنهج
طبعا صار اعتراض من الطلاب على هالشي وقالو انه هالنقاط موجوده بالكتاب بس انه الدكتور لم يتطرق لها بالمحاضرات المسجله
قال د.النجار انه الاختبار ماطلع من المنهج والغلط من الطلاب انهم لم يذاكرو من الكتاب واعتمدو على السلايتات بس وقال بعد انه اي دكتور يقدر يجيب اشياء من الكتاب ماشرحها
لانه اعتمد للطلاب هذا الكاتب فاعلى الطلاب تغطيت كافة محتوياته العلمية وهم مطابين فيه
وقال انه هالشي من مسئولية اي طالب جامعي انه يغطي اي شي موجود بالكتاب
الحين دوري انا في الرد عليه على هالكلام
قلت له انه هالنقاط هذي لم يشرحها الدكتور زفيه مسائل جابها بالاختبار ولم يشرح لنا طريقة حلها وقاوانين واشياء ثانيه وووووثانيه ,,,,, احنا ويش ذنبنا اذا جاب شي ماشرحه
احنا شلون بنفهمها وبنحلها اذا هو ماشرحها
وقلت له اذا 5 طلاب الي جوك واعترضو فا اعرف انه كل الطلاب معترضين على الاختبار وقلت له شوف ايقونة الشكاوي وشوف كم واحد معترض وقلت له بعد فيه اسئلة غلط في الاختبار بعد
د.النجار رد علي وقال انه من حق الدكتور انه يحط الاسئلة الي يبيها من الكتاب وحتى لم يتطرق لشرحها ونحن لن نعتبر انه الاختبار جا من بره المنهج مادام الاختبار في حدود الكتاب المقرر وقال بالنسبه للاسئلة الي فيها اغلاط سيتم تعويض الطلاب بدرجات طبعا انا حاولت اعرف كم عدد الاسئلة الي فيها اخطاء وحسبها لنا بس ماقدرت لانه يقول مايذكر كم عددها
النهاية طبعا انا حاولت اني اكون في محل دفاع عن هالظلم وسويت الي اقدر عليه وصار نقاش طوووووويل مع الدكتور بس للاسف ماطلعت بنتيجه مرضيه
مدت المقابله كانت 40 دقيقه