|
(قصيدة) مدري من النجار وإلا العضايله
السلام عليكم
مساء الخير بشرو عسا حليتو زين
الاسئلة فعلاً نفس اسئلة الإدارة الي بالمنتدى
بس المصيبه ماركزت عليها متوقعت ان الدكتور يجيب نسخه منها
على كلاً جبت العيد ومن قبل جبت العيد بالحاسب وياقلب لا تحزن
على العموم من الحرة قلت مايلي
مدري من النجار وإلا العضايله = الاسئله حوسه وانا جيت بالعيد
الاحصاء ردي الحظ طاح بحبايله = والحاسب الاقشر خسارة بلا فيد
الـ a خلاص اليوم ماني بنايله = والـ d يكفيني وهو كل ماريد
مير البلاء لا كون ساقط وشايله = الله لا يجزاك بالخير يا عبيد
الطايله ماهي علينا بطايله = ان صار شرح وفهم وسلوب اجاويد
بعض الدكاتره في سلوبه محايله = ما نفهمه لوردده الف ترديد
شفنا نجوم القايله من فعايله = وانا مع انجوم الضحى لي مواعيد
الهرج واجد بس ماني بقايله = بعد النتيجه يمكن اعيد وازيد
والطالب الي بعثر اوراق فايله = الله يبلغه الهدف والمقاصيد
مودتي
التعديل الأخير تم بواسطة عبدالله بن مقرن ; 2012- 5- 21 الساعة 09:00 PM
|